+20 °С
Болытлы
Республика
10 октябрь 2020, 08:35
"Халыкның барлык теләген исәпкә алырга тырыштык"
Уфада "Первомайский" паркы ачылды.
Уфада "Первомайский" паркы ачылды.
Бүген Уфаның Калинин районында «Первомайский» паркын ачу тантанасы булды. Биредә 7 гектар мәйданда җәмәгать мәйданын тулысынча реконструкцияләү һәм төзекләндерү эшләре алып барылды. Барлык эшләрнең бәясе 724,7 миллион сум тәшкил итте.
Русиянең төзелеш һәм торак-коммуналь хуҗалык министры Владимир Якушев һәм Башкортстан Башлыгы Радий Хәбиров, парк территориясеннән үтеп, үткәрелгән реконструкция нәтиҗәләрен бәяләделәр. Биредә барлык булган һәм төп сукмакларны саклаганнар, шул ук вакытта берничәне өстәгәннәр, юлның киңлеге паркка килүчеләрнең проектлау һәм алардан файдалану нормаларын исәпкә алып төзәтелгән. Территорияне каплауда функциональ газон кулланылган. Юллар гранит таштан брусчатка кулланып һәм шулай ук граниттан бордюр ташы белән яңартылган. “Первомайский” паркының төньяк-көнбатыш өлешендә спорт зонасы барлыкка килде, аңа тамашачылар өчен трибуналы 30х60 м зурлыктагы хоккей тартмасы, шулай ук резина өслекле волейбол, баскетбол һәм теннис мәйданчыклары керә.
Паркның төньяк өлешендә кафе челтәре белән килүчеләр өчен ял зонасы оештырыла. Бөтен паркта эскәмияләр һәм чүп савытлары алыштырылган. Үткәрелгән иҗтимагый тыңлаулардан соң, уфалыларның теләген исәпкә алып, паркта "Сәламәтлек сукмагы" барлыкка килде, ул парк территориясе периметры буйлап уза торган гранит валчыктан түшәлгән, резина өслекле велоюл, "Сәламәтлек сукмагы"н кабатлый торган яңа юллар яктыртылган.
Башкортстан Башлыгы Радий Хәбиров, үз чиратында, төзүчеләр җаннарын салып эшләделәр, “Первомайский” паркы Башкортстанда иң яхшысы, җәмәгать урыннарын төзекләндерү үрнәге булды, дип билгеләп үтте. "Первомайский" паркында үз "гашыйклар аллеясе" булачак, аның маршруты Калинин районы ЗАГСыннан төрле тематик арт-объектлары булган фотозоналарга кадәр дәвам итәчәк.
