+21 °С
Болытлы
Республика
8 Май 2021, 09:05
Ата-бабаларыбызның батырлыгын онытмаячакбыз!
Радий Хәбиров республика халкының бердәмлегенә соклануын белдерә.
Радий Хәбиров республика халкының бердәмлегенә соклануын белдерә.
Җитмеш алты ел үтсә дә, сугыш салган яралар һаман да уңмый. Ул әдәбиятта, сынлы сәнгатьтә тә даими чагылыш таба.
"Мин бу һәйкәлне, "Фронтка киткән якташларга" һәйкәл-мемориалын, бик яратам. Ул - дуслык, хәтер, хөрмәт символы буларак, күпмилләтле республикабызның да символы. Скульптура композициясендә - тугыз фигура. Алты өлкән кеше, алар 2,4 метр, һәм өч бала фигурасы. Һәйкәл нигезендә - 1941 ел, анда солдатларны фронтка озату чагылдырыла. Бу шулай булды да, бөтен халык дошманнарга каршы берләште.
Алгы планда - башкорт офицеры. Ул, бер тезенә тезләнеп, балаларын кочаклаган. Янәшәдә аның әтисе басып тора. Сулда сугышчы татар хатыны белән саубуллаша. Урыс солдаты да бар - ул кызы белән поезд янына бара, тиздән эшелонга, фронтка китәчәк. Безнең сакчылар өстендә - хатын-кыз. Әни, апа, хатын-кыз символы. Бу безнең күпмилләтле илебез өчен бердәм булган Ватан символы, гаилә символы, Бөек Җиңү өчен халык көче символы.
"Фронтка киткән якташларга" һәйкәл-мемориалның Уфа тимер юл вокзалы каршындагы мәйданда урнаштырганлыгы да символик мәгънәгә ия. Һәм хәзер Башкортстанга килгән һәркем бу скульптураны ата-бабаларыбызның батырлыгы, Җиңү, тынычлыкны сакларга кирәклеге турында искә төшерү буларак күрә", - дип язган социаль челтәрләрдә республика Башлыгы Радий Хәбиров.
Фото: социаль челтәрләрдән.
