-30 °С
Болытлы
Гәзиткә язылуVKOKTelegramЯRus
Барлык яңалыклар
Республика
24 июнь 2021, 13:57

Этнос - зур байлыгыбыз

Шәҗәрә бәйрәмнәре - уникаль күренеш ул.

Этнос - мәңгегә бирелгән конструкция түгел, ә процесс, дип саный Русия Фәннәр академиясе Этнология һәм антропология институтының өлкән фәнни хезмәткәре, тарих фәннәре докторы Елена Данилко. Ул бу көннәрдә Уфада узучы башкортларның этник тарихы һәм антропологиясе буенча гыйльми сессиясендә катнашты һәм аның әһәмиятен югары бәяләде.
Танылган башкорт тарихчысы-этнографы Раил Кузеевның укучысы, 2016 елда Елена Сергеевна "Халык һәм мәдәният" сериясеннән "Башкортлар" томының беренче басмасын төгәлләргә ярдәм итте, җаваплы мөхәррир булды.
"Раил Гомәрович һәрвакыт этнос - ул мәңгегә бирелгән конструкция түгел, ә процесс, дип әйтә иде. Хәтта кеше үзе дә кайсы категориягә керүен билгели алмый, - дип билгеләде Елена Данилко. - Бертөрлелек тарихи шартлар басымы астында, күрше этник төркемнәр, дәүләт сәясәте һәм, әлбәттә, катнаш никахлар нәтиҗәсендә үзгәрергә мөмкин. Мин үзем дә катнаш никахта туган бала, безнең Башкортстанда бу норма. Бу концепт каты конфликтлардан качарга мөмкинлек бирә".
Гыйльми сессиядә Елена Данилко "Шәҗәрә бәйрәме мисалында тәңгәллек сәясәтенең төбәк стратегияләре" доклады белән чыгыш ясады.
"Бу - башка төбәкләрдә булмаган уникаль тәҗрибә. Милли бәйрәмнәр этник уртаклыкны һәм мәдәниятне символлаштыра. Ләкин нәкъ менә Шәҗәрә бәйрәме башкортларда булган бәйрәм нигезендә төзелми, ә яңабаштан төзелә. Аның эчендә бала тудыру, генетик структура турында күзаллаулар бар. Бу күренеш бөтенләй уникаль. Шәҗәрә төзү традицияләрендә төзелгән бәйрәм - бу гаҗәеп тарих ", - дип билгеләде галим.
Фото: bashinform.ru
Читайте нас в