-16 °С
Болытлы
Гәзиткә язылуVKOKTikTokINSTAGRAM
Барлык яңалыклар
Республика
26 август 2021, 15:22

Андрей Назаров эксковатор йөртте

Техниканың бик нык үзгәрүен ассызыклый ул.

Андрей Назаров эксковатор йөртте

"WorldSkills уза торган төп мәйданчыкта без махсус һөнәри юнәлеш зоналары оештырдык, анда теләгән һәркем үзен 25 өлкәнең берсендә эшче һәм техник һөнәр вәкиле сыйфатында сынап карарга мөмкин. Мәсәлән, IT-технологияләрдә, энергетикада, медицинада, экологиядә һәм башкаларда. Алар try-a-skill дип атала. Якынча "яңа күнекмә эшләп кара" дип тәрҗемә ителә", - дип язган бүген социаль челтәрләрдә республика Хөкүмәте Премьер-министры Андрей Назаров.

"Барысы да бик кызыклы оештырылды. Мин бүген экскаватор руле артына утырдым. Әлбәттә, техника минем яшьлегемнән бирле алга киткән. Бик уңайлы кабина, эш уңайлылыкта гына түгел - монда барысы да кеше максималь нәтиҗәле эшләсен өчен оештырылган. Безгә һәр эш урынын шулай төзергә тырышырга кирәк. Бездә бит хезмәт җитештерүчәнлеген күтәрү өстендә эшләргә кирәк.

try-a-skill зоналары әлегә һөнәре белән билгеләнмәгән мәктәп укучыларына аеруча файдалы булачак. Алар монда барысын да үз куллары белән сынап карарга мөмкиннәр. Исегезгә төшерәм, яшьләр арасында эшче һөнәрләрен пропагандалау, дөресен әйткәндә, без бу чараны үзебездә үткәрү өчен төп сәбәпләрнең берсе булып тора. Шулай булгач, республика халкы анда никадәр күбрәк килсә һәм барысын да яңадан эшләсә - шулкадәр яхшырак.

Бүген очучы мотоциклга утырып карадым - ховербайкада. Аларны "Ховер" компаниясе чыгара. Ул үз продукциясен пилотсыз авиация кластерының күргәзмә залында тәкъдим итте. Без компаниянең бу техниканы республикада җитештерүен телибез. Хәзер бу уңайдан аның белән сөйләшүләр алып барабыз. Бүген бездә барлыгы 105 мәйданчык эшли башлады.

Илнең 76 төбәгеннән катнашучылар монда өч көн дәвамында ярышачак. Алар моны иң заманча җиһазларда эшләячәк. Чемпионаттан соң аны безнең республика колледжларына тапшырачакбыз. Шул рәвешле, алар үзләренең матди-техник базасының 70 процентын яңарта алачак. Мин инде язганча, бу хезмәт базары күзлегеннән мөһим, чөнки бүген безнең студентлар укый торган машиналар күптән искергән һәм эш бирүчеләрнең реаль ихтыяҗларына туры килми.

Бүген Радий Фәритович белән мәйданчыклар буйлап үттек, конкурсантларга тагын бер кат уңышлар теләдек", - дигән ул.

#WorldSkillsRussia #нацфиналуфа #нацфинал2021

Автор:Гөлия Мөгаллимова