Барлык яңалыклар
Республика
7 сентябрь , 17:40

Башкортстаннан ике команда җиңү яулады

Яшьләребез горурланырлык безнең!

Башкортстаннан ике команда җиңү яулады

"Цифровой прорыв-2021" Бөтенрусия конкурсының өченче сезонының бишенче ярымфиналы - "Русия - мөмкинлекләр иле" Президент платформасының флагман проекты тәмамланды.

Конкурсның операторы булып Русия электрон коммуникацияләр ассоциациясе (РАЭК) тора. Җиңүчеләр арасында - Башкортстан Республикасыннан ике команда: «Пингвины серверных морей» һәм «Четверо в лодке». Русиянең 71 төбәгеннән 147 команда 48 сәгать дәвамында финанс тармагыннан кейслар белән шөгыльләнде, шуларның 120се проектларны яклауга кадәр барып җитте. Сан трансформациясе, геймификация, Web, блокчейн, мәгълүматлар анализы - бу һәм башка бурычларга хакатон кейслары багышланган иде.

Конкурс йомгаклары буенча җиңүче 24 команда билгеләнде, катнашучылар 113 карар тәкъдим итте. Хакатон вакытында катнашучыларга 143 белгеч ярдәм иткән һәм аларны бәяләгән (экспертлар, трекерлар, жюри, ревизорлар, ревьюерлар). Конкурсның генераль партнёры - "Росатом" дәүләт корпорациясе - планлаштырылган сатып алу өчен потенциаль тәэмин итүчеләрне автоматик эзләү системасын эшләү буенча кейсны тәкъдим итте. Хакатонда катнашучылар тәэмин итүчеләрнең (җитештерүчеләрнең/сервис предприятиеләренең) агымдагы пулын арттырырга һәм шуның белән агымдагы базар шартлары нигезендә килешү бәясен оптимальләштерергә мөмкинлек бирәчәк сервисларны тәкъдим иттеләр.

"Пингвины серверных морей" командасы бу кейста өченче урын яулады. Accenture халыкара компаниясе катнашучыларга аналитика модулен эшләргә тәкъдим итте, ул клиентларга үз портфелен идарә итәргә мөмкинлек бирәчәк. Катнашучылар инвестиция портфеленең агымдагы күрсәткечләрен исәпләргә, идарә буенча киңәшләр алырга, сценарий анализы һәм клиентлар өчен башка файдалы функцияләр башкарырга мөмкин булган үз карарларын тәкъдим иттеләр. "Четверо в лодке" командасы бу кейста призёр булды, өченче урын яулады

Автор:Гөлия Мөгаллимова