Барлык яңалыклар
Республика
17 сентябрь , 17:10

Яңартылган мәктәп көтәбез!

Бу хакта Республика белән идарә итү үзәгеннән хәбәр итәләр.

Яңартылган мәктәп көтәбез!

"Белорет шәһәрендә 8нче мәктәпне төзекләндерүгә барыбыз да шат, - диелә хәбәрдә. - Чөнки "Инцидент-менеджмент" системасында социаль челтәрләрдә бу тема буенча мөрәҗәгать 2018 елның көзендә үк теркәлгән. Мәктәпне япкач, капиталь ремонт вакытында икенче катның холлында түшәм җимерелде.

1950 елда төзелгән бинаның экспертизасы тулы реконструкция кирәклеген күрсәтте. Укучыларны башка мәктәпкә күчерделәр, ә проектны әзерләү һәм килештерү, дәүләт экспертизасы, җир белән проблемаларны хәл итү, подрядчыны билгеләү һәм башка шундый сорауларга бәйле бюрократик процедуралар берничә елга сузылды.

Бу вакытта борчылган ата-аналар мөрәҗәгатьләрне социаль челтәрләрдә калдыруларын дәвам итте. Төп уңайсызлык шунда ки, чит мәктәптә балаларга икенче сменада укырга туры килә. Өйгә кайтырга, түгәрәккә язылырга да, урамда йөрергә дә вакыт калмый.

Быел көз башында Белорет районы хакимияте башлыгы Андрей Иванюта социаль челтәрләрдә подрядчы инде түбәне сүтә башлавын хәбәр итте.

Район хакимиятендә реконструкция барышын һәр ике атна саен тикшерәчәкләр. Башкортстан прокуратурасы да проблеманы контрольдә тота.

8нче мәктәп укучылары өй туен 2023 елның 1 сентябрендә үткәрер дип планлаштырыла. Түземсезлек белән көтәбез!"

Фото: "ВКонтакте"

Автор:Резида Валитова