+19 °С
Болытлы
Гәзиткә язылуVKOKTelegramЯRus
Барлык яңалыклар
Республика
14 октябрь 2021, 15:45

Волонтерлар лагере эшли башлаячак

18 октябрьдә Уфада «Мәдәният» гомумдәүләт проектының «Мәдәният волонтерлары» программасын тормышка ашыру кысаларында Халыкара волонтерлар лагеренең турыдан-туры этабы эшли башлаячак.

Волонтерлар лагере эшли башлаячак
Волонтерлар лагере эшли башлаячак


24 октябрьгә кадәр дәвам итәчәк чарада илнең иң яхшы 100 волонтеры катнашачак, ә спикерлар сыйфатында мәдәни мирасны саклау өлкәсендәге белгечләр, мәдәният, социомәдәни проектлау өлкәсендәге экспертлар, медиаиндустрия вәкилләре чыгыш ясаячак.
Лагерьда Бөекбритания, Гана, Казахстан, Тунис, Әзербайҗан, Малави, Тадҗикстан, Канада, Маврикия, Һиндстан, Замбия, Уганда һәм Алжир илләре вәкилләре катнашты. Алар лагерьга онлайн форматта кушылачак.
Русия Федерациясе мәдәният министры урынбасары Ольга Ермилова сүзләренә караганда, мәдәният волонтерларын һәрвакыт бердәмлек һәм җәмгыятькә хезмәт итәргә көч һәм вакыт бирергә омтылыш аерып торды. "Халыкара волонтерлар лагере иҗади, нәтиҗәле уза, ә аның нәтиҗәләре безнең илдә генә түгел, халыкара масштабта да волонтерлык хәрәкәте алдында торган актуаль мәсьәләләрне хәл итүдә файдалы булачак", – дип өстәде Ольга Ярилова.
Офлайн-өлеш барышында ирекле ярдәмчеләрне тематик сессияләр, белем бирү модульләре, панель дискуссияләр, әйдәп баручы экспертлар җитәкчелегендә мәдәни мирас объектларында эшләр көтә. Программада шулай ук «Русия, Бөекбритания, Франция һәм АКШ мисалында мәдәни мирасны саклауга ирекле ярдәмчеләрне җәлеп итү практикасы», «Мәдәни мирас объектлары: төшенчәләр, төрләр. Волонтерлык хәрәкәтендә мәдәни мирас объектларын саклау практикасы», шулай ук таш, агач белән эшләү буенча мастер-класслар һәм башкалар. Халыкара волонтерлар лагере эше быел ике форматны берләштерә: онлайн һәм офлайн.
Беренче этап 21-25 сентябрь көннәрендә онлайн-форматта узды, анда 200дән артык волонтер халыкара мәдәният волонтерлары берлеген үстерү концепциясен эшләде. Программа шәһәрләрдәге мәдәният учреждениеләре һәм мәдәни киңлекләр белән ирекле ярдәмчеләрнең эшен, иҗади ирекле проектларны тормышка ашыруны, мәдәни мирас объектларын саклап калуны, зур мәдәни вакыйгаларның волонтерлык программаларын оештыруны үз эченә алган төп юнәлешләрне үз эченә алды.

Фото: pravitelstvorb.ru


Автор:Зөһрә Исламова
Читайте нас в