Барлык яңалыклар
Республика
7 гыйнвар , 22:56

Юлчыларга, туристларга маяк булсын!

Башкортстан Башлыгы Радий Хәбиров йөкләмәсе белән республиканың Туризм буенча дәүләт комитеты тарафыннан туристик навигация билгеләрен урнаштыру буенча эш алып барыла.

Юлчыларга, туристларга маяк булсын!

Урыс һәм инглиз телләрендәге махсус мәгълүмати билгеләр кешеләрне төбәкнең истәлекле урыннарына, Башкортстанның визит-үзәкләренә, төрле табигый һәм археологик объектларга, шулай ук музейларга һәм һәйкәлләргә юл күрсәтә.

- Яхшы ял итүнең төп өлешләренең берсе - уңайлы мәгълүмат мохите. Башкортстанда булган туристларның төбәкнең теләсә кайсы өлешендә югалып калмавы һәм табигать, мәдәни-тарихи мирас объектларын таба алуы мөһим. Туристлык навигациясе билгеләре - Русия һәм чит ил туристларына уңайлы шартлар тудырудан гыйбарәт зур эшнең бер өлеше, - дип шәрехли Башкортстан Республикасының Туризм буенча дәүләт комитеты рәисе вазыйфасын башкаручы Ринат Фәтхуллин.

Билгеләр федераль, төбәк, муниципальара һәм урындагы әһәмияттәге юлларда урнаштырыла. Ел башыннан төбәктә 1272 билге куелган. Аларның 22се – федераль әһәмияткә, 487се – төбәк һәм муниципальара әһәмияткә ия юлларда, 698е - урындагы әһәмияттәге юлларда урнаштырылган. Башкорт телендә барлыгы 40 турнавигация билгесе тиешле тарафны күрсәтә.

Автор:Резида Валитова