Халыктан килгән башлангычларны ишетә белү кирәк

Бүген "Социаль сәясәт. Халык программасын гамәлгә ашыру" "түгәрәк өстәл" утырышы "Бердәм Русия" төбәк башкарма комитеты базасында партиянең Генеральный советы секретаре урынбасары, Русия Дәүләт думасы рәисе урынбасары Анна Кузнецованың Башкортстанга сәфәре кысаларында узды.
Киңәшмәдә Хөкүмәт Премьер-министры урынбасары Лира Игътисамова,гааилә, хезмәт һәм халыкны социаль яклау министры Ленара Иванова, Дәүләт җыелышы-Корылтай һәм Уфа шәһәр советы депутатлары, министрлыклар һәм ведомстволар җитәкчеләре, җәмәгатьчелек вәкилләре катнашты. Аралашуның модераторы булып “Бердәм Русия” партиясенең төбәк башкарма комитеты җитәкчесе Руслан Насретдинов чыгыш ясады.

"Бүгенге очрашу үзәгендә - республика территориясендә социаль блокның Халык программасы үтәлеше. Без программаны бөтен ил халкы тәкъдимнәренә нигезләнеп кабул иттек, һәм Башкортстаннан ике йөздән артык башлангыч килде, - дип билгеләде Анна Кузнецова. - Тәкъдимнәрнең иң күбе тормышның муллыгы, сыйфаты, мәгариф, сәламәтлек саклау һәм торак сәясәте мәсьәләләре белән бәйле. Алар барысы да анализланган иде".

Ул, мәсәлән, программага республиканың 2022-23 елларда 103 мәктәпне капиталь төзекләндерү планлаштырылган, шулай ук кайбер башка кызыклы башлангычлар, шул исәптән бүген "түгәрәк өстәл" вакытында яңгыраганнары керде, дип билгеләп үтте. Анна Кузнецова, аерым алганда, Үсеш үзенчәлекләре булган кешеләрне эшкә урнаштыру буенча республиканың Гаилә, хезмәт һәм халыкны социаль яклау министрлыгы проектын хуплады һәм аны партиянең Халык программасына кертү мөмкинлеген билгеләде. "Түгәрәк өстәл"дә катнашучылар уңайлы шәһәр мохитендә гаилә ялы өчен инфраструктураны үстерү, күп балалы социаль сәясәт өстенлеге буларак, гаилә, ана һәм балачакны яклау чараларын гамәлгә ашыру һәм башка актуаль темалар турында фикер алышты.