+21 °С
Болытлы
Республика
5 февраль 2024, 09:19
Металл һәм агачтан эшләнмәләр җитештерә башлаячаклар
Башкортстан Җир һәм милек мөнәсәбәтләре министрлыгы Уфа районында металл һәм агач әйберләр җитештерү проектын гамәлгә ашыру өчен "Литер 24" җәмгыяте белән гомум мәйданы 0,41 гектар булган җир кишәрлеген арендалау турында килешү төзеде. Участок торглар үткәрмичә генә гадиләштерелгән процедура буенча бирелгән, бу импортны алмаштыруга юнәлтелгән проектларга ярдәм итүнең киң таралган төре булып тора.
Металл һәм агачтан эшләнмәләр җитештерә башлаячаклар
- Без үзебездә товарлар җитештерүне арттыруга ярдәм итүче проектны шатланып хуплыйбыз. Бу башлангыч кысаларында, төзелеш һәм ремонт өчен керамик плитәне дә кертеп, металл һәм агач эшләнмәләр булдыру планлаштырыла, мондый продукциягә ихтыяҗ зур, - диде җир һәм милек мөнәсәбәтләре министры Наталья Полянская. - Дүрт ел дәвамында әлеге башлангычны гамәлгә ашыруга инвестор 50 миллион сумга якын акча кертергә планлаштыра. Бу вакыт эчендә 5 яңа эш урыны булдырылачак.
«Литер 24» җәмгыяте проектының асылы металл һәм агачтан әйберләр, шул исәптән төзелеш һәм ремонт ихтыяҗлары өчен керамик плитәләр җитештерүне оештыруда тора. Төзелеш цехының гомум мәйданы 420 квадрат метр тәшкил итәчәк, җитештерү комплексы территориясендә җитештерелә торган продукцияне күпләп сату өчен төяү-бушату зонасы төзеләчәк.
Җир кишәрлеген арендалау срогы - 2027 елга кадәр. Җир кишәрлеген торглар үткәрмичә арендалау срогы узганнан соң, әлеге җир кишәрлегендә төзелеш тәмамланган очракта гына җир кишәрлеге бирү мөмкин.
