+7 °С
Болытлы
Барлык яңалыклар
10
Республика
10 февраль , 20:29
Безнең бал корты яшәр!
Бөрҗән районыннан "Аек авыл" республика конкурсында катнашучы Ыргызлы авылында районда умартачылыкны үстерү һәм инвазион авыруларны искәртү, башка бал кортларын районга кертү мәсьәләләре буенча фәнни-гамәли семинар узды.
Анда авыл хуҗалыгы фәннәре докторы Әгъләм Шәрипов бал кортларының токым составы торышы, инвазион авыруларны искәртү, бал кортларын тоту буенча уңайлы шартлар белән таныштырды; "Шүлгәнташ" дәүләт табигать тыюлыгының баш фәнни хезмәткәре, биология фәннәре докторы, БДАУның физиология, биохимия кафедрасы профессоры Фитрат Йомагуҗин урындагы бал кортларын тоту үзенчәлекләре турында сөйләде. "Шүлгәнташ" дәүләт табигать тыюлыгы директоры Михаил Косарев умартачылык торышы буенча чыгыш ясады.
Чарага умартачылар үзләрен борчыган сорауларга җаваплар, файдалы киңәшләр ишетеп, Бөрҗән бал кортын саклау буенча бердәм эшләргә килешеп таралышты.
Фото: "Таң" гәзите сайтыннан.
Читайте нас: