Дүрт район туристик мөмкинлекләрен тәкъдим итте

Эшкуарлык һәм туризм министры Светлана Верещагина, катнашучыларны сәламләп, республика буенча сәяхәтләр географиясен киңәйтүнең һәм туристларны азрак таныш, әмма табигате һәм мәдәни мирасы бай районнарга җәлеп итүнең әһәмиятен билгеләп үтте.

– Бүген 4 муниципаль район үз проектларын тәкъдим итә. Мин үзем дә шушы районнарда булып, аларның мөмкинлекләренә сокландым. Монда туристлар өчен кызыклы урыннар күп, иң мөһиме – инфраструктура үсә, кунакханәләр һәм ял үзәкләре төзелә, – диде министр Светлана Верещагина.

Очрашуда Башкортстанның Туризм үсеше үзәге директоры Заһир Котлучурин туроператорлар белән хезмәттәшлекнең төп юнәлешләрен билгеләде. Алар арасында – «Терра Башкирия» туристик порталы өчен мәгълүматлар базасын яңарту, маршрутлар каталогын булдыру һәм республикада да, күрше төбәкләрдә дә презентацион чаралар үткәрү.

Район башлыклары һәм бизнес-шерифлар үз муниципалитетларының туристик мөмкинлекләрен тәкъдим иттеләр, эчке туризм үсеше перспективаларын һәм туроператорлар белән хезмәттәшлек юлларын тикшерделәр.

Аерым игътибар «Башкортстанның турист картасы» проектына һәм туристик өлкәдә контроль-күзәтү эшчәнлегенә бирелде.

Очрашу нәтиҗәләре буенча муниципалитетлар һәм республика туроператорлары арасында ниятләр турында берничә килешү имзаланды.

Фото: башинформ.рф