“Маяк”ның маяклары

Ни күрим, каршымда яраткан җыр­чыларымның берсе Радик Ди­нәх­мәтов басып тора! Кү­зе­мә ге­нә күренә дияр идем, бозау караучы яшь хатыннарның аңа “Ра­дик абый!” дип дәшкәнен ишетәм. Ул аларга җавап итеп хас Динәх­мәтовча тыйнак итеп елмаеп та куя әле, җитмәсә. Юк, ялгышу мөмкин түгел, Яңа ел могҗизасы бу! Тик нигә әле ул өстенә эш халаты киеп алган, кулына сәнәк тоткан? Шул ара­да бүлмәсеннән мине каршы алырга чыккан Венера ханым Ног­манованың командирларча көр тавышын ишетәм:
— Радик Барыевич! Әнә синең яныңа гәзиттән килделәр! Без сөй­ләшкәләгәнче Зөлфияң­не чакыр да карточкага төшәргә әзерләнегез!
Күземә яраткан башкаручым булып күренгән мөлаем егет комп­лексның алдынгы мал караучысы Радик Сөләйманов булып чыкты. Венера Әхәт кызы әйтүенчә, аның карамагында 150 баштан артык яшь бозау. Ифрат җаваплы эш йөк­ләтелгән аңа, комплекс­ның бүген­гесе дә, иртәгәсе дә аның кулында. Ра­дик Барый улы шушы җавап­лылыкны тулысынча тоеп эшли. Бозаулар көн саен 500-600 грам­мга артып, әкияттәгечә, ай үсәсен көн үсә.
Ә инде Радикның хатыны Зөл­фия Зөфәр кызына сыер савуда тиң­нәр юк. Берүзенә 150 баш са­вым сыеры! Бер сыеры тәүлегенә уртача 12 килограмм сөт бирә.
— Безнең 300 баштан артык савым сыерын нибары дүрт опер­а­тор хезмәтләндерә. Ике көн эшләп, ике көн ял итәләр. Төп бурычлары тел тидергесез башкаруда. Зөл­фиябез бары­сына да үрнәк булып тора. Шак­т­ый еш алышынып то­ручы кыз­ларны да эшкә ул өйрәтә, шуңа без аны “мастер-опера­тор” дип кенә йөртәбез, — ди алдынгы савучы турында комп­лекс җитәк­чесе.
— Быел идарә бинасында хез­мәт алдынгыларының Почет так­тасын булдырырга ниятли­без. Без аны “Маяк”ның маякла­ры” дип исем­­ләргә уйладык, — ди “Маяк” җәмгыяте директоры Фәнзил Идри­сов.
Фәнзил Мазһар улы — әйткә­нен эшли торган егет. Димәк, Почет тактасында “Маяк”­ның ышанычлы маяклары Зөлфия һәм Радик Сө­ләй­­ма­нов­­ларның фотосы да урын ала­чак.