Төбәктә сәүдә нокталарын сыйфатлы продукция белән тәэмин итүдә, “Башовощснаб” җәмгыяте зур эш башкара. Кырмыскалы районында ике ел элек сафка кертелгән яшелчә үстерү производствосы Кореяның алдынгы технологияләренә нигезләнгән. Бирегә чит ил белгечләре үзләре килеп җиһазлар урнаштырган һәм яшелчәчеләрне эшкә өйрәткән. Бер гектар мәйданда япма астында үстерелгән кыярлардан көненә 3-4 тонна уңыш җыела.
Экологик чиста продукциягә Уфада гына түгел, тоташ республикада ихтыяҗ зур. Быел предприятие теплица мәйданын тагын бер гектарга зурайту максатын куя. Русиядә тиңе булмаган әлеге предприятие, проектка ярашлы, якын киләчәктә кыярны 3 гектарда үстерә башлаячак. Проектның гомум бәясе 300 миллион сум булса, 100 миллион сумлык эш башкарылган да инде.