+26 °С
Ачык
Гәзиткә язылуVKOKTelegram
Барлык яңалыклар
Авыл хуҗалыгы
2 апрель 2015, 22:11

Яз белән якты өметләр дә уяна

Борай районының “Урожай” җәмгыяте карамагында 5500 гектар җир мәйдан­нары булса, шуның 3500 гек­та­рында язгы кыр эш­ләре җәел­дереләчәк. 2000 гек­тарны арыш били, шул­кадәр үк мәйданда — бодай, 150 гектарда — арпа, 350 гектарда — судан үләне, 600 гектарда вика үстереләчәк. Хуҗалык басуларында борчак, кукуруз, солы да игеләчәк.

Кооперативның баш агрономы Винарис Әхмәтҗанов белдерүенчә, бүгенге көндә “Урожай”да язгы кыр эшлә­рендә катнашачак барлык трактор-машиналар да әзер­лек сызыгына куелган, якын көннәрдә техник тик­шерү үткәрү өчен махсус комиссия киләчәк. Тиздән тырма, чәчкеч, культиваторлар да көйләнеп бетәчәк.
Ягулык-майлау материал­ларына килгәндә, без аларны язгы чәчүне башкарып чы­гарлык күләмдә тупладык, — ди Винарис Рәфит улы. — Шунысы күңелне кыра — тоннасын 30 мең сум дигәннәр иде, китер­гәнче бу сумма 34 мең сумга күтәрелде. Запас частьләргә хаклар да көннән-көн арта. Техника бәясе яңа елдан 30-35 процентка сикереш ясады. Без, авыл кеше­ләре, хакларны авызлыклау чара­сы табып бул­мый ми­кәнни дип гаҗиз­ләнәбез.
Читайте нас: