+21 °С
Болытлы
Гәзиткә язылуVKOKTelegram
Барлык яңалыклар
Авыл хуҗалыгы
14 Май 2016, 02:00

Җиң сызгангач таңнарда, данланалар җырларда

Чакмагыш районы республикада игенчелек һәм терлекчелек буенча алдынгы тәҗрибә мәктәбе булып тора. Тырышып эшләү, һәр яңалыкка кыю тотыну нәтиҗәсендә узган ел игенчеләр бөртеклеләрнең һәр гектарыннан уртача 30,8 центнер уңыш алды, тулай җыем 143 мең тонна булды. Быел тагын да зуррак максатлар билгеләнде һәм аларны тормышка ашыруга әзерлек көздән – уҗым культуралары чәчүдән, орлык хәстәрләүдән һәм техника ремонтлаудан башланып китте. Узган елда районда 246 миллион 749 мең сумлык авыл хуҗалыгы техникасы сатып алынды. “Базы”, “Герой”, “Алга”, “Октябрь” кооперативларында техника яңартуга игътибар аеруча зур булды.

Район басуларында эш кайный. Иртә культуралар чәчүне бүген-ир-тәгә төгәлләү өчен көрәш бара. Ленин исемендәге авыл хуҗалыгы кооперативында бу эшне тәүгеләрдән булып тәмамладылар.

Быел бөртеклеләр чәчүлек мәй­дан­­нарының 52,1 процентын тәшкил итәчәк. Көзен 12174 гектарда чәчелгән уҗым культуралары иртә яздан тырматылды, тукландырылды. Техник культуралар 7,1 процентны биләячәк. 2911 гектарда – шикәр чөгендере (былтыргыдан 400 гектарга артык), 2640 гектарда көнбагыш чәчү планлаштырылды. 500 гектарда рапс үстереләчәк.

Районда 2013 елдан кукурузны кәчәнгә үстерү гамәлгә ашырыла. Бу эшкә тәүгеләрдән булып “Алга”, Ленин исемендәге, “Октябрь” кооперативлары алынды, быел исә хуҗа­лыкларның барысы да диярлек кушылачак. Узган ел һәр сыердан уртача 7625 килограмм сөт савып алынган, быел да ал бирмәүче “Герой” ху­­җа­лыгында икенче ел инде соя чә­чәләр. Сортлар сынау, орлык җи­тештерү буенча “Базы” кооперативында уңышлы эшлиләр.

Районда хезмәт кешесенең күңеле көр, басу эшләре төгәлләнеп килә. Игенчеләр мул уңыш алуга ышана.
Читайте нас: