Ленинлылар – беренче!
Токымчылык заводы игенчеләре иртә культураларны чәчүне тәмамлады.Ленинлылар, елдагыча, язгы кыр эшләренә беренчеләрдән булып төште һәм Бөек Җиңү көненә иртә бөртекле культураларны чәчүне тәмамлады. Без эш сәфәре белән хуҗалык басуларына килгәндә, биредә механизаторлар соңгы гектарларны чәчү белән мәшгуль иде. Токымчылык заводының баш агрономы Ришат Гәрәевның да, игенчеләрнең дә йөзләре май кояшыдай якты, кәефләре яхшы.