+21 °С
Болытлы
Авыл хуҗалыгы
28 февраль 2020, 09:30
“Бездә эчкечеләргә урын юк!”
Шланлыкул халкы шулай дип белдерә
Шланлыкул халкы шулай дип белдерә
Бүздәк төбәгендәге иң борынгы авылларның берсе булган Шланлыкул республика күләмендә дәвам итүче “Аек авыл” конкурсында катнашучылардан иң активы санала. Әлеге чараның төп максаты — эчкечелеккә каршы көрәшне киң җәелдерү.
Бу юнәлештә Шланлыкулда максатлы эш алып барыла. Сәламәт тормыш рәвешен көндәлеккә әверелде-рүне күздә тотып, мәдәни, спорт чаралары еш үткәрелә. Авыл халкы өчен “Хәмергә каршы” лекцияләр циклы, балалар белән “Без спорт яратабыз” тематикасы буенча уеннар оештырылган. Бөек Җиңүнең 75 еллыгына әзер-лек барышында истәлекле даталарга багышланган кичә-ләр, конкурслар үткәрү дә матур гадәткә әверелде. Балалар сугыш һәм тыл вете-раннарының йортларында була.
Күптән түгел авыл мәдә-ният йортында “Аек авыл” хәрәкәте кысаларында янә бер күләмле чара оештырылды. Ул, шулай ук, сәламәт тормыш рәвеше өстенлекләренә багышланды. Авылга күчмә сәламәтлек модуле килде. Октябрьский шәһәре һәм Бүздәк үзәк район дәваханәсе табиблары авыруларны кабул итү үткәрде. Авыл кешеләренең һәрберсенә сәламәтлек торышын тикшертү мөмкинлеге тудырылды. Ул амбулатор тикшеренүләрнең тулы циклын күздә тота. Атап әйткәндә, анализга кан биреп, авыл кешеләре заманча медицина җиһазларында күзәтү үтте. Әлеге процедураларны оештыруда Туймазы медицина колледжыннан килгән студент-волонтерлар зур ярдәм күрсәтте. Медицина хезмәткәрләре оештырган фитобар авылдашларның күңеленә аеруча хуш килде. Биредә аларны дару үләннәре төнәтмәләреннән ясалган файдалы эчемлекләр белән сыйладылар.
Әйтергә кирәк, табибларның шундый зур чара оештыруын авыл халкы зур канәгатьлек белән кабул итте.
— Без, иң беренче чиратта, табибларның авыл кешеләренә карата олы игътибарын тойдык, — ди бу уңайдан ветеран-педагог Асия Сакаева. — Иң мөһиме – дәваханәгә барып та торасы түгел. Тәҗрибәле табиблар һәркемгә киңәшләрен дә бирде, дәвалануның нәтиҗәле ысулларын да күрсәтте.
Күләмле чараның дәвамы булып мәдәният йортында лекцияләр үтте. Алар сәламәт тормыш рәвеше алып баруның төрле өлкәләренә багышланды. Белгечләр, алкогольле эчемлекләр куллануның аянычлы нәтиҗәләре турында ачыктан-ачык сөйләп, күп кенә мисаллар китерде. Сүз эчкечелекнең гаиләгә тискәре йогынтысы турында да барды. Кызганычка каршы, моңа мисаллар авылларда бихисап. Авылдашларны эчкечелек тозагыннан тартып алу өчен киң аңлату эшләре алып бару таләп ителә. Хәзерге чорда моның әһәмияте аеруча зур, дип билгеләнде сөйләшү барышында.
Соңгы елларда шунысы күзгә ташлана: эчкечелеккә каршы көрәштә хәзер заманча алымнар кулланыла башлады. Моңа инде бигрәк тә медик-волонтерлар оста. Әлеге юнәлештәге Бөтенрусия иҗтимагый хәрәкәте активистлары эчкечелеккә каршы мавыктыргыч уеннар белән авыл халкының ихтирамын яулады. Очрашулар барышында кызыклы әңгәмәләр, викториналар нәтиҗәле кулланылды.
Сәламәт тормыш рәвеше физик культура һәм спорттан башка мөмкин түгел. Волонтерлар белән очрашуда Шланлыкул авылында яшәүчеләр шундый фикергә килде. Әйткәндәй, авылда спорт киң таралыш ала. Өлкән яшьтәгеләр, мәсәлән, йөгерү белән беррәттән, скандинавча йөрү-не дә үз итә. Активистлар үрнәгендә авылда спортның бу төре белән шөгыльләнүчеләр саны арта.
— Шланлыкулда хезмәт сөючән, булдыклы, тырыш халык яши, — ди Арслан авыл биләмәсе хакимияте башлыгы Вәкил Арсланов. — Биредә буыннан-буынга тапшырылып килүче гореф-гадәтләрнең тәэсире көчле. Ә алар, белүебезчә, эчкечелекне тулысынча инкарь итә. Хәзер авыл асылына кайта, монда хәмергә урын булмаячак.
Республика конкурсы барышында Шланлыкулда байтак мәдәни һәм спорт чаралары планлаштырылган. Атап әйткәндә, “Уйна, гармун” бәйрәменә әзерлек тулы куәтенә бара. Моннан тыш, район үзәгендәге “Олимп” физкультура-савыктыру үзәгендә авылның спорт гаиләләре конкурсы үтәчәк.
Фәнүр ГЫЙЛЬМАНОВ,
“Кызыл таң”ның үз хәбәрчесе.
Бүздәк районы.
Бүздәк төбәгендәге иң борынгы авылларның берсе булган Шланлыкул республика күләмендә дәвам итүче “Аек авыл” конкурсында катнашучылардан иң активы санала. Әлеге чараның төп максаты — эчкечелеккә каршы көрәшне киң җәелдерү.
Бу юнәлештә Шланлыкулда максатлы эш алып барыла. Сәламәт тормыш рәвешен көндәлеккә әверелде-рүне күздә тотып, мәдәни, спорт чаралары еш үткәрелә. Авыл халкы өчен “Хәмергә каршы” лекцияләр циклы, балалар белән “Без спорт яратабыз” тематикасы буенча уеннар оештырылган. Бөек Җиңүнең 75 еллыгына әзер-лек барышында истәлекле даталарга багышланган кичә-ләр, конкурслар үткәрү дә матур гадәткә әверелде. Балалар сугыш һәм тыл вете-раннарының йортларында була.
Күптән түгел авыл мәдә-ният йортында “Аек авыл” хәрәкәте кысаларында янә бер күләмле чара оештырылды. Ул, шулай ук, сәламәт тормыш рәвеше өстенлекләренә багышланды. Авылга күчмә сәламәтлек модуле килде. Октябрьский шәһәре һәм Бүздәк үзәк район дәваханәсе табиблары авыруларны кабул итү үткәрде. Авыл кешеләренең һәрберсенә сәламәтлек торышын тикшертү мөмкинлеге тудырылды. Ул амбулатор тикшеренүләрнең тулы циклын күздә тота. Атап әйткәндә, анализга кан биреп, авыл кешеләре заманча медицина җиһазларында күзәтү үтте. Әлеге процедураларны оештыруда Туймазы медицина колледжыннан килгән студент-волонтерлар зур ярдәм күрсәтте. Медицина хезмәткәрләре оештырган фитобар авылдашларның күңеленә аеруча хуш килде. Биредә аларны дару үләннәре төнәтмәләреннән ясалган файдалы эчемлекләр белән сыйладылар.
Әйтергә кирәк, табибларның шундый зур чара оештыруын авыл халкы зур канәгатьлек белән кабул итте.
— Без, иң беренче чиратта, табибларның авыл кешеләренә карата олы игътибарын тойдык, — ди бу уңайдан ветеран-педагог Асия Сакаева. — Иң мөһиме – дәваханәгә барып та торасы түгел. Тәҗрибәле табиблар һәркемгә киңәшләрен дә бирде, дәвалануның нәтиҗәле ысулларын да күрсәтте.
Күләмле чараның дәвамы булып мәдәният йортында лекцияләр үтте. Алар сәламәт тормыш рәвеше алып баруның төрле өлкәләренә багышланды. Белгечләр, алкогольле эчемлекләр куллануның аянычлы нәтиҗәләре турында ачыктан-ачык сөйләп, күп кенә мисаллар китерде. Сүз эчкечелекнең гаиләгә тискәре йогынтысы турында да барды. Кызганычка каршы, моңа мисаллар авылларда бихисап. Авылдашларны эчкечелек тозагыннан тартып алу өчен киң аңлату эшләре алып бару таләп ителә. Хәзерге чорда моның әһәмияте аеруча зур, дип билгеләнде сөйләшү барышында.
Соңгы елларда шунысы күзгә ташлана: эчкечелеккә каршы көрәштә хәзер заманча алымнар кулланыла башлады. Моңа инде бигрәк тә медик-волонтерлар оста. Әлеге юнәлештәге Бөтенрусия иҗтимагый хәрәкәте активистлары эчкечелеккә каршы мавыктыргыч уеннар белән авыл халкының ихтирамын яулады. Очрашулар барышында кызыклы әңгәмәләр, викториналар нәтиҗәле кулланылды.
Сәламәт тормыш рәвеше физик культура һәм спорттан башка мөмкин түгел. Волонтерлар белән очрашуда Шланлыкул авылында яшәүчеләр шундый фикергә килде. Әйткәндәй, авылда спорт киң таралыш ала. Өлкән яшьтәгеләр, мәсәлән, йөгерү белән беррәттән, скандинавча йөрү-не дә үз итә. Активистлар үрнәгендә авылда спортның бу төре белән шөгыльләнүчеләр саны арта.
— Шланлыкулда хезмәт сөючән, булдыклы, тырыш халык яши, — ди Арслан авыл биләмәсе хакимияте башлыгы Вәкил Арсланов. — Биредә буыннан-буынга тапшырылып килүче гореф-гадәтләрнең тәэсире көчле. Ә алар, белүебезчә, эчкечелекне тулысынча инкарь итә. Хәзер авыл асылына кайта, монда хәмергә урын булмаячак.
Республика конкурсы барышында Шланлыкулда байтак мәдәни һәм спорт чаралары планлаштырылган. Атап әйткәндә, “Уйна, гармун” бәйрәменә әзерлек тулы куәтенә бара. Моннан тыш, район үзәгендәге “Олимп” физкультура-савыктыру үзәгендә авылның спорт гаиләләре конкурсы үтәчәк.
Фәнүр ГЫЙЛЬМАНОВ,
“Кызыл таң”ның үз хәбәрчесе.
Бүздәк районы.
