+21 °С
Болытлы
Авыл хуҗалыгы
29 июнь 2020, 11:00
Электрон ветеринария сертификатлавы уңышлы үсешә
Әлеге юнәлешкә игътибарны тагын да арттыру кирәклеген белдерде Радий Хәбиров.
Әлеге юнәлешкә игътибарны тагын да арттыру кирәклеген белдерде Радий Хәбиров.
Башкортстанда терлекчелектә электрон ветеринария сертификатлау системасы уңышлы үсешә. Бу хакта 29 июньдә республика Хөкүмәтендә узган оператив киңәшмәдә Россельхознадзорның Башкортстан идарәсе җитәкчесе вазыйфаларын башкаручы Ришат Котлимәтов сөйләде.
Терлекчелек продукциясе җитештерүне, әйләнешен мониторинглау һәм күчерү, аның куркынычсызлыгын арттыру максатында 2018 елның 1 июленнән илдә «Меркурий» дәүләт мәгълүмат системасы эшли башлады. Бүген анда 64 меңнән артык авыл хуҗалыгы җитештерүчесе - юридик затлар, крестьян һәм фермер хуҗалыклары, шәхси эшкуарлар - теркәлгән. Электрон документларның төп өлеше ит, балык һәм сөт продукциясенә туры килә.
Ведомство җитәкчесе вазыйфаларын башкаручы сүзләренә караганда, 2020 елда төбәктә рәсмиләштерелә торган электрон документлар саны 37 миллион данәдән артып киткән.
Үрнәкләрне хәвефсезлек таләпләренә туры китерү буенча тикшерү Россельхознадзорга караган алты аккредитацияләнгән лабораториядә уздырыла. 26 июньгә идарә белгечләре терлекчелек продукциясенең 538 үрнәген сайлап алды.
Ришат Котлимәтов билгеләп үткәнчә, якын киләчәктә төп бурычлар исәбендә - хуҗалык итүче субъектларны «Меркурий» системасында 100 процентлы теркәү. Моның өчен кайбер инфраструктура мәсьәләләрен хәл итәргә кирәк, аерым алганда - аларны компьютер техникасы белән тәэмин итү һәм Интернетка керү мөмкинлеген тәэмин итү.
Башкортстан Башлыгы Радий Хәбиров республика Хөкүмәтенә уздырыла торган эштә ярдәм күрсәтергә кушты.
- Бу бик мөһим юнәлеш, - дип ассызыклады Радий Хәбиров. - Электрон сертификатлауга күчү мәсьәләләрен барлык кызыксынучы яклар катнашлыгында аерым киңәшмәдә карарга кирәк.
Фото:glavarb.ru
Башкортстанда терлекчелектә электрон ветеринария сертификатлау системасы уңышлы үсешә. Бу хакта 29 июньдә республика Хөкүмәтендә узган оператив киңәшмәдә Россельхознадзорның Башкортстан идарәсе җитәкчесе вазыйфаларын башкаручы Ришат Котлимәтов сөйләде.
Терлекчелек продукциясе җитештерүне, әйләнешен мониторинглау һәм күчерү, аның куркынычсызлыгын арттыру максатында 2018 елның 1 июленнән илдә «Меркурий» дәүләт мәгълүмат системасы эшли башлады. Бүген анда 64 меңнән артык авыл хуҗалыгы җитештерүчесе - юридик затлар, крестьян һәм фермер хуҗалыклары, шәхси эшкуарлар - теркәлгән. Электрон документларның төп өлеше ит, балык һәм сөт продукциясенә туры килә.
Ведомство җитәкчесе вазыйфаларын башкаручы сүзләренә караганда, 2020 елда төбәктә рәсмиләштерелә торган электрон документлар саны 37 миллион данәдән артып киткән.
Үрнәкләрне хәвефсезлек таләпләренә туры китерү буенча тикшерү Россельхознадзорга караган алты аккредитацияләнгән лабораториядә уздырыла. 26 июньгә идарә белгечләре терлекчелек продукциясенең 538 үрнәген сайлап алды.
Ришат Котлимәтов билгеләп үткәнчә, якын киләчәктә төп бурычлар исәбендә - хуҗалык итүче субъектларны «Меркурий» системасында 100 процентлы теркәү. Моның өчен кайбер инфраструктура мәсьәләләрен хәл итәргә кирәк, аерым алганда - аларны компьютер техникасы белән тәэмин итү һәм Интернетка керү мөмкинлеген тәэмин итү.
Башкортстан Башлыгы Радий Хәбиров республика Хөкүмәтенә уздырыла торган эштә ярдәм күрсәтергә кушты.
- Бу бик мөһим юнәлеш, - дип ассызыклады Радий Хәбиров. - Электрон сертификатлауга күчү мәсьәләләрен барлык кызыксынучы яклар катнашлыгында аерым киңәшмәдә карарга кирәк.
Фото:glavarb.ru
