Авыл хуҗалыгы җитештерүчеләренә дәүләт ярдәменең яңа чараларын расладылар

Башкортстан Премьер-министры урынбасары, авыл хуҗалыгы министры Илшат Фазрахманов авыл хуҗалыгы товар җитештерүчеләренә дәүләт ярдәменең аерым тәртипләрен актуальләштерү мәсьәләсе буенча Хөкүмәт Президиумы утырышында чыгыш ясады.

- Республика Хөкүмәтенең берьюлы биш карарына үзгәрешләр пакеты кертелә, - дип хәбәр итте Авыл хуҗалыгы министрлыгы җитәкчесе.

Сөт һәм ит терлекчелеген, сарык үрчетүне стимуллаштыруга субсидияләр коэффициентлары 1,2 мәртәбә арта. Токымлы авыл хуҗалыгы терлекләрен сатып алуга чыгымнар өлешен каплау билгеләнә.

Авыл хуҗалыгы техникасын ташламалы федераль лизинг программалары буенча сатып алганда кимендә 12 айдан да иртәрәк булмаган вакытта лизинг предметын сатып алу шарты билгеләнә.

Яшелчәләр, бәрәңге һәм җиләк-җимеш культуралары, балыкчылык һәм авыл хуҗалыгы продукциясен эшкәртү өчен җиһазлар, силос-сенаж корылмалары өчен конструкцияләр, шулай ук ремонт предприятиеләре өчен технологик җайланмалар “Инвестиция сәгате” проектларын хуплаганнан соң гына субсидияләнәчәк. Ә терлек һәм кош-корт сую буенча хезмәтләр күрсәтүче оешмалар “Авыл хуҗалыгы сәгате”ндә проектларны яклаганнан соң калдыкларны тирәнтен эшкәртү өчен җиһазлар сатып алуга субсидияләр алачак.

Фото: pravitelstvorb.ru