+24 °С
Яңгыр
Авыл хуҗалыгы
22 сентябрь 2020, 07:29
Монда эшкә читтән дә киләләр!
“Победа” токымчылык заводы биләмәләрендә урып-җыю кампаниясе төгәлләнеп килгән, басу кораблары соңгы гектар игеннәрне җыйган, уҗым культураларын чәчү кызган мәлдә булган идек. Хуҗалык җитәкчесе Данис Ишмакаев, вакытын кызганмыйча, безне җәмгыять эшләре һәм аның уңганнары белән җентекләп таныштырды.
“Победа” токымчылык заводы биләмәләрендә урып-җыю кампаниясе төгәлләнеп килгән, басу кораблары соңгы гектар игеннәрне җыйган, уҗым культураларын чәчү кызган мәлдә булган идек. Хуҗалык җитәкчесе Данис Ишмакаев, вакытын кызганмыйча, безне җәмгыять эшләре һәм аның уңганнары белән җентекләп таныштырды.
— Табигать шартлары бик уңай килмәсә дә, җәен узган давыл һәм боз сугу ашлыкларга күпмедер зыян китерсә дә, уңышка зарланмыйбыз, — дип сөйләде ул. — Гектар куәте уртача 23 центнер тәшкил итте. Бу, әлбәттә, агропредприятиебез эшчәннәренең хәләл көчен салу, табигать казасыннан зарар күргән культураларны вакытында тәрбияләп, тиешле матдәләр белән тукландыру нәтиҗәсе.
Данис Мадис улының “Победа” хуҗалыгын җитәкләвенә әле бер ел гына. Әмма шушы кыска вакыт эчендә дә зур эшләр башкарып өлгергән. Моңа дәлилләр күз алдында: хуҗа-лыкта төзелеш өлкәсендә күләмле проектлар тормышка ашырылган һәм ашырылуын дәвам итә. Бер елда ике терлекчелек бинасы төзекләндерелгән. Алар 350 баш танага исәпләнгән. Кайчандыр чүплек булып яткан мәйданнар тазартылып, терлекчелек объектларына заманча юллар китерелгән.
Яңа терлекчелек биналарында сыер савучылар өчен уңай шартлар тудырылган. Сыер саву залында хәтта “җылы идән” системасы да урнаштырылган.
“Победа” җәмгыятендә быел 3500 квадрат метрда шифер түбәләр профнастилга алыштырылган, Иске Яндыз һәм Сабанай авылларында урнашкан ике фермада да зур төзекләндерү эшләре үткәрелгән. Ашлык амбары яңарыш кичергән, шул исәптән монда яңа орлык чистарту җайланмасы төзелгән.
— Мин үзем шушы яктан бит, — ди Данис Мадис улы. — Әтием игенче иде. Мин 8 сыйныфта укыган чагымда ук аңа һәм абыема ияреп, туган хуҗалыгым басуларында җир сөрә башлаган идем. Шуңа да бу җирләр күңелемә бик якын.
Әлегә “Победа” җәмгыятендә эшче кулларга зур кытлык юк, биредә бүген 93 кеше хезмәт сала, тик аерым юнәлешләр буенча кадрлар кирәк, ди җитәкче.
— Хуҗалыгыбызга эшкә килүчеләрне лаеклы хезмәт хакы гына түгел, торак белән тәэмин итү мөмкинлегебез дә бар, — ди ул. — Бүгеннән дүрт гаиләгә фатир бирә алабыз.
Быел гына хуҗалык сатып алган куәтле “Кировец” тракторына “Кузбасс-Т” чәчкече тагып, уҗым культуралары чәчү белән мәшгуль Радик Галикәев Иске Яндыз авылына Бүздәк районыннан күченеп килгән. Аның гаиләсе биредә эшле һәм тораклы булган – хуҗалык идарәсе аларга ике бүлмәле фатир биргән.
— Хатыным Айнура белән, (ул заправкада эшли) дүрт бала үстерәбез, — ди алдынгы механизатор. — Балалар өчен Иске Яндызда заманча мәктәп бар, төрле түгәрәкләр эшли. Үземә менә өр-яңа трактор бирделәр. Кабинасында компьютерга кадәр бар! Җырлап кына эшләрлек. Эш күләменә килгәндә, көненә 70 гектарда чәчәм. Ике тапкыр күчмә ашханә килеп тукландырып китә.
Бер сүз белән әйткәндә, хезмәт шартларыннан канәгатьмен. Моннан дүрт ел элек гүзәл табигатьле Иске Яндыз авылына күченеп килүемә һич үкенмим.
“Mac Don” чапкычына идарә итүче Фәнит Галиәкбаров та Иске Яндыз авылына күчеп килгән кеше.
— Гаиләм белән Казахстан якларыннан 2000 елда ук тарихи ватаныбыз булган Иске Яндызга кайттык, — ди ул. — 15 яшьлек чагымда әти-әнием белән чит тарафларга китәргә туры килсә дә, туган ягым һәрчак үзенә тартты, шуңа да җае чыгу белән кайтырга булдым. Хатыным Светлана — сыер савучы, үзем — механизатор. Хуҗалык идарәсе йорт бирде. Анда озак еллар яшәдек. Бүген яңа өй салу белән мәшгульбез.
...“Победа” хуҗалыгы уңганнары киләчәккә ышаныч белән карый, планнары да зурдан. Алдынгы игенчеләр һәм терлекчеләрнең барысы хакында да бер мәкаләдә бәян итеп бетереп булмый, гәзитебезнең киләсе саннарында алар белән таныштыруыбызны дәвам итәрбез.
— Табигать шартлары бик уңай килмәсә дә, җәен узган давыл һәм боз сугу ашлыкларга күпмедер зыян китерсә дә, уңышка зарланмыйбыз, — дип сөйләде ул. — Гектар куәте уртача 23 центнер тәшкил итте. Бу, әлбәттә, агропредприятиебез эшчәннәренең хәләл көчен салу, табигать казасыннан зарар күргән культураларны вакытында тәрбияләп, тиешле матдәләр белән тукландыру нәтиҗәсе.
Данис Мадис улының “Победа” хуҗалыгын җитәкләвенә әле бер ел гына. Әмма шушы кыска вакыт эчендә дә зур эшләр башкарып өлгергән. Моңа дәлилләр күз алдында: хуҗа-лыкта төзелеш өлкәсендә күләмле проектлар тормышка ашырылган һәм ашырылуын дәвам итә. Бер елда ике терлекчелек бинасы төзекләндерелгән. Алар 350 баш танага исәпләнгән. Кайчандыр чүплек булып яткан мәйданнар тазартылып, терлекчелек объектларына заманча юллар китерелгән.
Яңа терлекчелек биналарында сыер савучылар өчен уңай шартлар тудырылган. Сыер саву залында хәтта “җылы идән” системасы да урнаштырылган.
“Победа” җәмгыятендә быел 3500 квадрат метрда шифер түбәләр профнастилга алыштырылган, Иске Яндыз һәм Сабанай авылларында урнашкан ике фермада да зур төзекләндерү эшләре үткәрелгән. Ашлык амбары яңарыш кичергән, шул исәптән монда яңа орлык чистарту җайланмасы төзелгән.
— Мин үзем шушы яктан бит, — ди Данис Мадис улы. — Әтием игенче иде. Мин 8 сыйныфта укыган чагымда ук аңа һәм абыема ияреп, туган хуҗалыгым басуларында җир сөрә башлаган идем. Шуңа да бу җирләр күңелемә бик якын.
Әлегә “Победа” җәмгыятендә эшче кулларга зур кытлык юк, биредә бүген 93 кеше хезмәт сала, тик аерым юнәлешләр буенча кадрлар кирәк, ди җитәкче.
— Хуҗалыгыбызга эшкә килүчеләрне лаеклы хезмәт хакы гына түгел, торак белән тәэмин итү мөмкинлегебез дә бар, — ди ул. — Бүгеннән дүрт гаиләгә фатир бирә алабыз.
Быел гына хуҗалык сатып алган куәтле “Кировец” тракторына “Кузбасс-Т” чәчкече тагып, уҗым культуралары чәчү белән мәшгуль Радик Галикәев Иске Яндыз авылына Бүздәк районыннан күченеп килгән. Аның гаиләсе биредә эшле һәм тораклы булган – хуҗалык идарәсе аларга ике бүлмәле фатир биргән.
— Хатыным Айнура белән, (ул заправкада эшли) дүрт бала үстерәбез, — ди алдынгы механизатор. — Балалар өчен Иске Яндызда заманча мәктәп бар, төрле түгәрәкләр эшли. Үземә менә өр-яңа трактор бирделәр. Кабинасында компьютерга кадәр бар! Җырлап кына эшләрлек. Эш күләменә килгәндә, көненә 70 гектарда чәчәм. Ике тапкыр күчмә ашханә килеп тукландырып китә.
Бер сүз белән әйткәндә, хезмәт шартларыннан канәгатьмен. Моннан дүрт ел элек гүзәл табигатьле Иске Яндыз авылына күченеп килүемә һич үкенмим.
“Mac Don” чапкычына идарә итүче Фәнит Галиәкбаров та Иске Яндыз авылына күчеп килгән кеше.
— Гаиләм белән Казахстан якларыннан 2000 елда ук тарихи ватаныбыз булган Иске Яндызга кайттык, — ди ул. — 15 яшьлек чагымда әти-әнием белән чит тарафларга китәргә туры килсә дә, туган ягым һәрчак үзенә тартты, шуңа да җае чыгу белән кайтырга булдым. Хатыным Светлана — сыер савучы, үзем — механизатор. Хуҗалык идарәсе йорт бирде. Анда озак еллар яшәдек. Бүген яңа өй салу белән мәшгульбез.
...“Победа” хуҗалыгы уңганнары киләчәккә ышаныч белән карый, планнары да зурдан. Алдынгы игенчеләр һәм терлекчеләрнең барысы хакында да бер мәкаләдә бәян итеп бетереп булмый, гәзитебезнең киләсе саннарында алар белән таныштыруыбызны дәвам итәрбез.
Фото: М.Латыйпова фотосы.
