+28 °С
Болытлы
Авыл хуҗалыгы
23 март 2021, 09:48
Уфада – зур форум!
Быел ул тагы да колачлырак булмакчы.
Бүген башкалабыз Уфада махсуслашкан халыкара “Агрокомплекс” күргәзмәсе һәм Агросәнәгать форумы ачыла. Быелгы чараның үзенчәлеге нәрсәдә һәм анда кемнәр катнаша? Узган атнада матбугат конференциясендә әлеге һәм журналист-ларны кызыксындырган башка сорауларга республика Хөкүмәте Премьер-министры урынбасары, авыл хуҗалыгы министры Илшат Фазрахманов һәм Башкортстан Күргәзмәләр компаниясенең генеральный директоры Альбина Килдегулова җавап бирделәр.
“Быелгы халыкара күргәзмәнең үзенчәлеге шунда: чаралар беренче тапкыр “гибрид” форматында үтәчәк”, – диде Илшат Фазрахманов. Соңгы елларга кадәр республика казанышлары традицион экспозицияләр аша җиткерелсә, быел ул онлайн-форматта булачак. Икенче яңалык – чарада катнашучылар гына түгел, дөньяның теләсә кайсы төбәгеннән элемтәгә керүчеләр Башкортстандагы форум белән онлайн-режимда таныша һәм кызыксындырган сорауларын бирә алачак.
– Без яңа аграр сезонга көздән үк әзерләнә башлыйбыз. Районнарда зона конференцияләре үткәрдек. Кыш дәвамында чәчү орлыгы, ашлама тупладык, техника ремонтладык. Язгы кыр эш-ләре башланыр алдыннан тармак стратегиясе буенча тәгаен чараларга тотынабыз. Чит илләр-дәге һәм үзебезнең илдәге хезмәттәшләребез белән киңәшләшәбез, фикер алышабыз.
Әлбәттә, бу форум – безнең өчен дә олы мәртәбә. 31нче тапкыр үткәрелүче күргәзмәгә өметләр дә зур. Ул дөнья күләмендәге аграр проблемалар уртаклыгын якынайта. Биредә һәр экспозиция – уникаль һәм алдынгы тәҗрибә үрнәге. Илдәге аграр юнәлештәге мөһим форумнарның берсе булган әлеге чараның географиясе киңәюе дә шуны дәлилли, – диде аграр ведомство башлыгы Илшат Фазрахманов.
Альбина Килдегулова сүзләренә караганда, күргәзмәгә әзерлек яхшы оештырылган. ВДНХ-Экспода чарада катнашучыларга үз экспозицияләрен, техникаларын урнаштыру өчен барлык шартлар да тудырылган. Әйтергә кирәк, күргәзмәдә 310 компания катнашырга теләк белдергән. Русиянең 37 төбәгеннән вәкилләр килгән. Биредә форумда катнашучылар һәм кунаклар игътибарына барлыгы 160ка якын төрле авыл хуҗалыгы техникасы тәкъдим ителә.
Чит ил кунакларыннан Чехия, Австрия Белоруссия вәкилләре бар.
Халыкара форум 3-4 көн дәвам итәчәк. Түгәрәк өстәл артындагы очрашуларда аграр галимнәр, белгечләр һәм хуҗалыклар җитәкчеләре тармак эшчәнлегенә кагылышлы мөһим мәсьәләләр буенча фикер алышачак. Виртуаль платформада эшлекле чаралар белән якыннан танышу мөмкинлеге дә булдырылган.
Алик ЗАРЕМИН.
“Быелгы халыкара күргәзмәнең үзенчәлеге шунда: чаралар беренче тапкыр “гибрид” форматында үтәчәк”, – диде Илшат Фазрахманов. Соңгы елларга кадәр республика казанышлары традицион экспозицияләр аша җиткерелсә, быел ул онлайн-форматта булачак. Икенче яңалык – чарада катнашучылар гына түгел, дөньяның теләсә кайсы төбәгеннән элемтәгә керүчеләр Башкортстандагы форум белән онлайн-режимда таныша һәм кызыксындырган сорауларын бирә алачак.
– Без яңа аграр сезонга көздән үк әзерләнә башлыйбыз. Районнарда зона конференцияләре үткәрдек. Кыш дәвамында чәчү орлыгы, ашлама тупладык, техника ремонтладык. Язгы кыр эш-ләре башланыр алдыннан тармак стратегиясе буенча тәгаен чараларга тотынабыз. Чит илләр-дәге һәм үзебезнең илдәге хезмәттәшләребез белән киңәшләшәбез, фикер алышабыз.
Әлбәттә, бу форум – безнең өчен дә олы мәртәбә. 31нче тапкыр үткәрелүче күргәзмәгә өметләр дә зур. Ул дөнья күләмендәге аграр проблемалар уртаклыгын якынайта. Биредә һәр экспозиция – уникаль һәм алдынгы тәҗрибә үрнәге. Илдәге аграр юнәлештәге мөһим форумнарның берсе булган әлеге чараның географиясе киңәюе дә шуны дәлилли, – диде аграр ведомство башлыгы Илшат Фазрахманов.
Альбина Килдегулова сүзләренә караганда, күргәзмәгә әзерлек яхшы оештырылган. ВДНХ-Экспода чарада катнашучыларга үз экспозицияләрен, техникаларын урнаштыру өчен барлык шартлар да тудырылган. Әйтергә кирәк, күргәзмәдә 310 компания катнашырга теләк белдергән. Русиянең 37 төбәгеннән вәкилләр килгән. Биредә форумда катнашучылар һәм кунаклар игътибарына барлыгы 160ка якын төрле авыл хуҗалыгы техникасы тәкъдим ителә.
Чит ил кунакларыннан Чехия, Австрия Белоруссия вәкилләре бар.
Халыкара форум 3-4 көн дәвам итәчәк. Түгәрәк өстәл артындагы очрашуларда аграр галимнәр, белгечләр һәм хуҗалыклар җитәкчеләре тармак эшчәнлегенә кагылышлы мөһим мәсьәләләр буенча фикер алышачак. Виртуаль платформада эшлекле чаралар белән якыннан танышу мөмкинлеге дә булдырылган.
Алик ЗАРЕМИН.
