+24 °С
Яңгыр
Авыл хуҗалыгы
18 Май 2021, 09:22
Иртә чәчкән – уңган
Халык әйтеме быел да үзен аклый.
Халык әйтеме быел да үзен аклый.
Республикада язгы басу эшләре тәмамлану алдында. Соңгы мәгълүматлардан күренүенчә, планлаштырылган мәйданнарның 70 процентында чәчү башкарылган. Әлшәй, Илеш, Стәрлебаш, Балтач, Авыргазы, Кырмыскалы районнары игенчеләре иртә бөртеклеләрне чәчеп бетереп килә.
Алдынгы төбәкләр арасында Бүздәк районы да бар. Быел биредәге чәчү мәйданнары 77 мең гектардан арта, сабанашлык культуралары 37 мең гектар били, алардан өстенлекне арпа һәм бодай алып тора. Атап әйткәндә, бодай быел 16 мең гектарда үстереләчәк.
Аерым хуҗалыкларда иртә бөртеклеләр чәчү соңгы гектарларда бара. “Нерал-Бүздәк” җәмгыятендә һәм “Хәбибрахманова Ш. М.” крестьян-фермер хуҗалыгында быел язгы басу эшләре аеруча оешкан төстә үтә. Әлеге хуҗалыклар механизаторлары кыр эшләрен районда беренчеләрдән булып башлап җибәргән иде. Иртә бөртеклеләр чәчүне тәмамлап, хәзерге вакытта биредә сызма культуралар чәчүгә төштеләр. Һава торышы уңайлы булганга, эш ырамлы бара. “Нерал-Бүздәк”тә, мәсәлән, язгы чәчүне 25 майга төгәлләү бурычы куелган.
“Башкир-агроинвест” җәмгыятенең Түреш бүлеге — нигездә, шикәр чөгендере үстерүгә махсуслашкан хуҗалык. Әлеге сызма техник культураны быел ике меңнән артыграк гектарда игү планлаштырылган. Әйткәндәй, район хуҗалыклары арасында бу — иң зур күрсәткеч. “Башкир-агроинвест” үсемлекчелек белән дә шөгыльләнә. Сабанашлык бодайны, мәсәлән, өч мең гектардан артыграк мәйданда үстермәкчеләр.
“Колос” җәмгыяте — элекке “Бүздәк” совхозы биләмәләрендә оештырылган хуҗалык. Яңа Килем авылы янәшәсендәге басуда механизатор Сергей Фидурайкин
“Т-150” тракторында арпаны соңгы гектарларда чәчә. Бу урында шуны да билгелик: Сергей Анатольевич – районда киң билгеле игенче, берничә тапкыр һөнәре буенча төбәк чемпионы булып танылды. Ул Михайловка авылында туып-үскән, язмышын да туган төбәге белән бәйләгән. 2000 елда хәрби хезмәтен тутырып кайткан да тракторга утырган. Хәзерге көндә эшләгән
“Т-150”тракторы – өр-яңа, шушы көннәрдә генә Илеш районындагы махсуслашкан предприятиедән кайтарылган. Тәҗрибәле механизатор әйтүенчә, бу трактор – бик ышанычлы техника.
Чәчүне тәмамлаган хуҗалыкларда басу эшләре дәвам итә. Атап әйткәндә, чәчүлекләрне тәрбияләү бара, аерым урыннарда химик утау башланды.
Фәнүр ГыЙльманов.
Республикада язгы басу эшләре тәмамлану алдында. Соңгы мәгълүматлардан күренүенчә, планлаштырылган мәйданнарның 70 процентында чәчү башкарылган. Әлшәй, Илеш, Стәрлебаш, Балтач, Авыргазы, Кырмыскалы районнары игенчеләре иртә бөртеклеләрне чәчеп бетереп килә.
Алдынгы төбәкләр арасында Бүздәк районы да бар. Быел биредәге чәчү мәйданнары 77 мең гектардан арта, сабанашлык культуралары 37 мең гектар били, алардан өстенлекне арпа һәм бодай алып тора. Атап әйткәндә, бодай быел 16 мең гектарда үстереләчәк.
Аерым хуҗалыкларда иртә бөртеклеләр чәчү соңгы гектарларда бара. “Нерал-Бүздәк” җәмгыятендә һәм “Хәбибрахманова Ш. М.” крестьян-фермер хуҗалыгында быел язгы басу эшләре аеруча оешкан төстә үтә. Әлеге хуҗалыклар механизаторлары кыр эшләрен районда беренчеләрдән булып башлап җибәргән иде. Иртә бөртеклеләр чәчүне тәмамлап, хәзерге вакытта биредә сызма культуралар чәчүгә төштеләр. Һава торышы уңайлы булганга, эш ырамлы бара. “Нерал-Бүздәк”тә, мәсәлән, язгы чәчүне 25 майга төгәлләү бурычы куелган.
“Башкир-агроинвест” җәмгыятенең Түреш бүлеге — нигездә, шикәр чөгендере үстерүгә махсуслашкан хуҗалык. Әлеге сызма техник культураны быел ике меңнән артыграк гектарда игү планлаштырылган. Әйткәндәй, район хуҗалыклары арасында бу — иң зур күрсәткеч. “Башкир-агроинвест” үсемлекчелек белән дә шөгыльләнә. Сабанашлык бодайны, мәсәлән, өч мең гектардан артыграк мәйданда үстермәкчеләр.
“Колос” җәмгыяте — элекке “Бүздәк” совхозы биләмәләрендә оештырылган хуҗалык. Яңа Килем авылы янәшәсендәге басуда механизатор Сергей Фидурайкин
“Т-150” тракторында арпаны соңгы гектарларда чәчә. Бу урында шуны да билгелик: Сергей Анатольевич – районда киң билгеле игенче, берничә тапкыр һөнәре буенча төбәк чемпионы булып танылды. Ул Михайловка авылында туып-үскән, язмышын да туган төбәге белән бәйләгән. 2000 елда хәрби хезмәтен тутырып кайткан да тракторга утырган. Хәзерге көндә эшләгән
“Т-150”тракторы – өр-яңа, шушы көннәрдә генә Илеш районындагы махсуслашкан предприятиедән кайтарылган. Тәҗрибәле механизатор әйтүенчә, бу трактор – бик ышанычлы техника.
Чәчүне тәмамлаган хуҗалыкларда басу эшләре дәвам итә. Атап әйткәндә, чәчүлекләрне тәрбияләү бара, аерым урыннарда химик утау башланды.
Фәнүр ГыЙльманов.
