+12 °С
Ачык
Гәзиткә язылуVKOKTelegramЯRus
Барлык яңалыклар
Авыл хуҗалыгы
14 июль 2021, 19:38

Белгечләргә торак ачкычлары тапшырылды

Ярмәкәй районында бүген өй туйлары гөрли.

Белгечләргә торак ачкычлары тапшырылды
Белгечләргә торак ачкычлары тапшырылды

Бүген Ярмәкәй районында “Авыл территорияләрен комплекслы үстерү” дәүләт программасы кысаларында төзелгән дүрт катлы йортны файдалануга тапшырдылар. Аны Башкортстанда төбәк Авыл хуҗалыгы министрлыгы гамәлгә ашыра. Бу - наем килешүләре буенча торак бирү өчен төзелгән Русиядәге иң эре объектларның берсе.

- Яңа йорттагы фатирларның өчтән берен заманча агросәнәгать предприятиесе “Северная Нива Башкирия” алды, ул республикада сөтчелек терлекчелеге буенча иң эре инвестиция проектын гамәлгә ашыра, - диде республика авыл хуҗалыгы министрының беренче урынбасары Рамил Нуриәхмәтов.

- Традицион чаралар белән беррәттән, инвесторларга социаль планда да ярдәм итә алуыбыз сөендерә, "КРСТ" программасының төрле юнәлешләрен актив гамәлгә ашыра алабыз.

Гомумән алганда, «Северная Нива Башкирия» җәмгыяте белгечләренә яңа йорттан 8 фатир бүлеп биргәннәр, калган 16 фатир дәваханә, мәгариф һәм мәдәният учреждениеләре хезмәткәрләренә билгеләнгән. Әлеге юнәлеш буенча Ярмәкәй районында Спартак, Урта Карамалы, Иске Турай, Усман-Ташлы авылларында һәм Яңа бистәдә тагын ике катлы 5 йорт төзелә.

Автор:Гөлия Мөгаллимова
Читайте нас в