Балакатайда «Басу көне» узды

- Мин 1995 елдан бирле районда һава шартларының көндәлек мониторингын алып барам, барысын да махсус дәфтәргә язам, - ди Балакатай районы хакимияте башлыгы урынбасары Юрий Моторин. - Яз көне һәм җәй башында мондый корылык булганы юк иде әле.

Нәтиҗәдә, монда язгы кыр эшләре ике атнага иртәрәк, көньяк зоналар белән бертигез диярлек, башланган. Әмма бу уңышның иртә өлгерүенә ярдәм итмәде, дип саный белгеч. Дым булмау үсемлекләрнең үсүен акрынайткан. Шуңа күрә Кыйгы районы авыл хуҗалыгы бүлеге башлыгы Айнур Шаңгәрәев уңыш белән бик канәгать түгел.

"Һәрхәлдә, аграрийларга үзгәрүчән һава шартларына һәрвакыт әзер булырга кирәк", - ди ул.

- Моның өчен "Басу көне" кебек чаралар үткәрелә дә инде, - дип ассызыклый республика авыл хуҗалыгы министры урынбасары Ирек Сураков. - Үсемлекләрнең төрле шартлар һәм төрле зоналар өчен яраклы сортларын һәм гибридларын карыйбыз. Технологияләрне өйрәнәбез, бер-беребез белән тәҗрибә уртаклашабыз.

Чарада республика Авыл хуҗалыгы министрлыгы вәкилләре, районнар хакимияте башлыклары һәм аларның авыл хуҗалыгы буенча урынбасарлары, авыл хуҗалыгы идарәләре башлыклары һәм белгечләре, ведомство буйсынуындагы предприятиеләр, хуҗалыклар җитәкчеләре һәм белгечләре, фермерлар катнашты.

Чарада катнашучылар арасында Башкортстаннан Дәүләт думасы депутаты Рафаэль Мәрданшин да бар иде.

«Бүгенге «Басу көне» технологларга, агрономнарга, инженерларга, механизаторларга бөртекле культураларның иң яхшы сортларын үстерү тәҗрибәсе белән уртаклашырга мөмкинлек бирә. Безнең төбәктә табигый зоналарның һәркайсында чәчү һәм урып-җыюның үз нечкәлекләре бар. Ә «Басу көне» кебек семинарлар эшенә һәм тулаем безнең агросәнәгать комплексы эшенә бик күп нәрсә бәйле. Һәм, беренче чиратта, безнең халыкның нинди азык-төлек белән туклануы. «Басу көне» - яңа һөнәри белемнәр алу, авыл хуҗалыгы җитештерүе өлкәсендә алдынгы тәҗрибәне тарату, алдынгы технологияләргә игътибар җәлеп итү, яңа авыл хуҗалыгы культураларын үстерү ысуллары белән танышу өчен яхшы мәйданчык», - диде парламентарий.

Семинарда катнашучылар рәсми ачылыштан соң Киров исемендәге хуҗалыкта авыл хуҗалыгы культуралары чәчүлекләрен карады.

Семинар барышында арытаба министрлык ресурсларында трансляцияләү өчен барлык чараларның видеоязмасы төшерелде. Быел "Басу көне" семинарлары 30 июльдә Учалы районында тәмамланачак.

Фото: Балакатай районы хакимияте