Авыл хуҗалыгы льготалы кредит алачак

25 гыйнварда көндәшлеккә сәләтлелекне арттыру турында килешүләр төзүгә гаризалар кабул ителә башлый. Документлар 10 февральдән авыл хуҗалыгы товар җитештерүчеләреннән кабул ителә, алар продукцияне җитештерәләр, эшкәртәләр һәм аны экспортка озаталар. Килешү агросәнәгать комплексы продукциясен экспортлаучыларга еллык ставкасы 5 процентка кадәр ташламалы кредитлар алырга мөмкинлек бирәчәк.

- Республикада АПК продукциясен экспортлау актив үсештә, - ди Хөкүмәт Премьер-министры урынбасары, авыл хуҗалыгы министры Илшат Фазрахманов. - Өстәвенә, экспорт структурасында эшкәртү сәнәгате продукциясе өлеше елдан-ел арта бара. Без, мәсәлән, үсемлек майларын, шикәрне күбрәк экспортлыйбыз, чөнки аларны төбәктәге ихтыяҗга караганда күбрәк җитештерәбез. Шунысы куанычлы, бездә актив экспортерларга ярдәм итүнең мондый коралы бар, ул - СПК килешүе буенча ташламалы кредит.

Авыл хуҗалыгы товар җитештерүчеләрен (авыл хуҗалыгы кулланучылар кооперативларыннан тыш), җитештерүне, беренче һәм аннан соңгы авыл хуҗалыгы продукциясен эшкәртүне һәм сатуны гамәлгә ашыручы оешмаларны һәм индивидуаль эшкуарларны, конкуренциягә сәләтлелекне арттыру турында килешүләр төзү максатларында сайлап алуны Русия Федерациясе Авыл хуҗалыгы министрлыгы уздырачак.

Сайлап алу өчен документларны Башкортстан Республикасы Авыл хуҗалыгы министрлыгына түбәндәге адрес буенча җибәрергә кирәк: 450008, Башкортостан Республикасы, Уфа шәһәре, Пушкин ур., 106 һәм shapranova.os@bashkortostan.ru.