+21 °С
Болытлы
Авыл хуҗалыгы
2 февраль 2022, 07:49
“Минем үрнәккә иярегез – үкенмәссез!”
Язмышын туган хуҗалыгы белән бәйләгән Гөлнара Сабирова шулай ди.Күп яшьтәшләре бәхетне шәһәрдән эзләгәндә, Гөлнара Сабирова язмышын туган авылы белән бәйләргә карар итә. Бүген ул — Борай районы Ленин исемендәге хуҗалыгының иң яшь һәм уңган хезмәткәрләренең берсе.
“Минем үрнәккә иярегез – үкенмәссез!”
Гөлнара Борай районының Бадрак авылында күпбалалы, хезмәт сөючән һәм күпләргә үрнәк булган Флисә һәм Җәмил Сабировлар гаиләсендә дөньяга килә. Әтисе гомере буе туган колхозында — механизатор, әнисе – Зур Бадрак авылында почта бүлекчәсе җитәкчесе булып эшли.
Сабировлар балаларын бәләкәйдән эшкә өйрәтеп, хезмәт тәрбиясе биреп үстерә. Гөлнара балачагыннан, бигрәк тә әтисенә ияреп, эшкә йөрергә, амбар алдында эшләүче апалар белән ашлык чистартырга ярата. Туган авылында мәктәп тәмамлагач, Бөре кооператив техникумына укырга керә. Студент еллары сизелми дә үтеп китә. Кулына диплом алгач, ул туган төягенә кайтып, хезмәт юлын “Борай сөт эше” предприятиесендә башлый, соңрак Зур Бадрак авылында мәдәният хезмәткәре була. Әмма Гөлнараның күңеле гел авыл хуҗалыгы тармагына тартыла, балачагының матур хатирәләре: кызу урак чорында эш кайнап торган амбар алды, сап-сары ашлык төяп кайтып туктаган йөк машиналары, тырышып һәм чәмләнеп хезмәт салган авылдашлары күз алдыннан китми. Һәм кыз йөрәген тыңлый: туган хуҗалыгы идарәсенә эш сорап бара. Уңган кешегә урын да табыла, аны үлчәүче итеп тәгаенлиләр. Бар булмышын биреп эшләүче максатчан, тырыш кызны шул ук елны Зур Бадрак авылындагы келәт мөдире итеп тәгаенлиләр. Гөлнара үз вазыйфаларына зур җаваплылык белән карый, белемле, ярдәмчел кызны коллективта яше-карты үз итә.
Бүген ул Ленин исемендәге хуҗалыкта ындыр табагы мөдире булып эшли. Биредәге җиһазлар һәм корылмалар комплексын көйле тоту да аның җаваплылыгында. Мондагы мәйданчыкта бик күп эшләр башкарыла – ашлыкны үлчиләр, чистарталар, киптерәләр, кирәк булганда, вакытлыча саклыйлар, орлыкларны сортларга аералар, агулыйлар. Әлеге предприятие территориясендә берничә келәт бар. Гөлнара Сабирова барысын да тәртиптә тота, ашлык эшкәртү журналын алып бара, эшчеләр белән идарә итә. Киптерелгән һәм чистартылган ашлыкны кабул итү дә аның иңнәрендә. Гөлнара үз эшен яратып, бар сәләтен, көчен салып башкара. Кызу урып-җыю чорында биредә эш иртәдән кичкә кадәр кайный. Әмма ул авырлыклардан курыкмый. Эшләгән кешене кем дә ярата, шуңа күрә аны җитәкчелек һәм хезмәттәшләре уңай яктан гына тасвирлыйлар.
Төп эшеннән тыш, Гөлнара районның җәмәгать тормышында да актив катнаша. Район күләмендәге мәдәни һәм спорт чараларында һәрвакыт алдынгы урыннарны яулый. Узган 2021 ел эшсөяр кыз өчен тагын бер күркәм вакыйга белән билгеләнде — ул һөнәри бәйрәме — Авыл хуҗалыгы хезмәткәрләре көне уңаеннан Башкортстан Республикасы Дәүләт-җыелышы-Корылтайның Рәхмәт хаты белән бүләкләнде. Гөлнарага арытаба да уңышлар гына юлдаш булсын.
Гөлназ Хуҗина.
Борай районы.
Сабировлар балаларын бәләкәйдән эшкә өйрәтеп, хезмәт тәрбиясе биреп үстерә. Гөлнара балачагыннан, бигрәк тә әтисенә ияреп, эшкә йөрергә, амбар алдында эшләүче апалар белән ашлык чистартырга ярата. Туган авылында мәктәп тәмамлагач, Бөре кооператив техникумына укырга керә. Студент еллары сизелми дә үтеп китә. Кулына диплом алгач, ул туган төягенә кайтып, хезмәт юлын “Борай сөт эше” предприятиесендә башлый, соңрак Зур Бадрак авылында мәдәният хезмәткәре була. Әмма Гөлнараның күңеле гел авыл хуҗалыгы тармагына тартыла, балачагының матур хатирәләре: кызу урак чорында эш кайнап торган амбар алды, сап-сары ашлык төяп кайтып туктаган йөк машиналары, тырышып һәм чәмләнеп хезмәт салган авылдашлары күз алдыннан китми. Һәм кыз йөрәген тыңлый: туган хуҗалыгы идарәсенә эш сорап бара. Уңган кешегә урын да табыла, аны үлчәүче итеп тәгаенлиләр. Бар булмышын биреп эшләүче максатчан, тырыш кызны шул ук елны Зур Бадрак авылындагы келәт мөдире итеп тәгаенлиләр. Гөлнара үз вазыйфаларына зур җаваплылык белән карый, белемле, ярдәмчел кызны коллективта яше-карты үз итә.
Бүген ул Ленин исемендәге хуҗалыкта ындыр табагы мөдире булып эшли. Биредәге җиһазлар һәм корылмалар комплексын көйле тоту да аның җаваплылыгында. Мондагы мәйданчыкта бик күп эшләр башкарыла – ашлыкны үлчиләр, чистарталар, киптерәләр, кирәк булганда, вакытлыча саклыйлар, орлыкларны сортларга аералар, агулыйлар. Әлеге предприятие территориясендә берничә келәт бар. Гөлнара Сабирова барысын да тәртиптә тота, ашлык эшкәртү журналын алып бара, эшчеләр белән идарә итә. Киптерелгән һәм чистартылган ашлыкны кабул итү дә аның иңнәрендә. Гөлнара үз эшен яратып, бар сәләтен, көчен салып башкара. Кызу урып-җыю чорында биредә эш иртәдән кичкә кадәр кайный. Әмма ул авырлыклардан курыкмый. Эшләгән кешене кем дә ярата, шуңа күрә аны җитәкчелек һәм хезмәттәшләре уңай яктан гына тасвирлыйлар.
Төп эшеннән тыш, Гөлнара районның җәмәгать тормышында да актив катнаша. Район күләмендәге мәдәни һәм спорт чараларында һәрвакыт алдынгы урыннарны яулый. Узган 2021 ел эшсөяр кыз өчен тагын бер күркәм вакыйга белән билгеләнде — ул һөнәри бәйрәме — Авыл хуҗалыгы хезмәткәрләре көне уңаеннан Башкортстан Республикасы Дәүләт-җыелышы-Корылтайның Рәхмәт хаты белән бүләкләнде. Гөлнарага арытаба да уңышлар гына юлдаш булсын.
Гөлназ Хуҗина.
Борай районы.
Фото: Г.Хуҗина
