Ярминкәләр атна саен узачак

Республика Хөкүмәте Премьер-министры урынбасары, авыл хуҗалыгы министры Илшат Фазрахманов ялларда оештырылачак ярминкәләр турында фикерен белдерде.
"Ярминкәләр - арадашчылардан башка җитештерүчеләр продукциясен сатып алу мөмкинлеге.
12 марттан башлап, республикада ял көне ярминкәләре старт ала, аларда урындагы җитештерүчеләрнең авыл хуҗалыгы продукциясенең бай ассортименты тәкъдим ителәчәк. Аларда халык төбәктә авыл хуҗалыгы продукциясе запаслары җитәрлек булуына һәм агросәнәгать комплексы Башкортстанда азык-төлек иминлеген тәэмин итә алуына инана алачак. Ярминкәләр атна саен үткәреләчәк, бу игътибарга лаек, капчыклар белән сату практикасын үзгәртү күздә тотыла һәм бары тик савытта гына, мәсәлән, ярмаларны үлчәтеп сатып алырга мөмкин булачак.
Якын ялларда ук - шимбә һәм якшәмбе көннәрендә, республикада авыл хуҗалыгы ярминкәләре башлана. Беренче чиратта - шәһәрләрдә, шулай ук район үзәкләрендә дә үтәчәк алар. Фермерлар, авыл хуҗалыгы предприятиеләре, шәхси ярдәмче хуҗалыклар һәм кооперативлар үз продукциясен тәкъдим итәчәк. Бу, әлбәттә, безнең халык өчен арадашчылар, яки алыпсатарлар катнашлыгыннан башка, турыдан-туры республика авыл хуҗалыгы җитештерүчеләре продукциясен сатып алу мөмкинлеге. Һава торышының салкын торуын исәпкә алып, төп басым кош, сыер, дуңгыз ите, шулай ук ярмаларга ясалачак. Аннары, җылыткач, без ярминкәләргә сөт һәм яшелчә җитештерүчеләрне чыгарачакбыз", - диде ул.
Шимбә көнне, 12 мартта, ярминкә мәйданчыклары Уфа шәһәренең җиде районында эшләячәк.

Фото: ufa.bezformata.com