+21 °С
Болытлы
Авыл хуҗалыгы
19 март 2022, 13:00
“Индюшкин” чит ил базарларын актив үзләштерә
Башкортстан Әзербайҗанга 14 тоннага якын күркә ите озатты.
“Индюшкин” чит ил базарларын актив үзләштерә
Базарда “Индюшкин” бренды астында эшләп килүче күркә итеннән продукция җитештерү һәм эшкәртү предприятиесе чит ил базарларын актив үзләштерә. Мартның беренче көннәрендә мәләвезлеләр Әзербайҗанга ассортиментта чираттагы продукция партиясен экспортлады.
— Әзербайҗан Республикасы белән хезмәттәшлек төрле юнәлешләр буенча актив үсә. Экспорт потенциалын үстерү — безнең өстенлекле бурычларыбызның берсе. Безнең төбәк өчен традицион тармакларда без һәрвакыт югары күрсәткечләргә ирештек, ил эчендә генә түгел, чит илдә дә ихтыяҗны каплый алдык, — дип билгеләп үтте Башкортстанның тышкы икътисади элемтәләр һәм конгресс эшчәнлеге буенча министр Маргарита Болычева.
— Без үзебезнең продукцияне Беларусь, Әрмәнстанга җибәрәбез. Согуд Гарәбстанына сатарга планлаштырабыз. Безнең өчен экспортка юнәлгән предприятие булу, тышкы базарларда сату өчен сыйфатлы әзер продукция җитештерү мөһим, — дип билгели "УРАЛ" җәмгыяте генеральный директоры Геннадий Бондарь.
Кошчылык комплексының җитештерү мәйданчыклары Мәләвез районында урнашкан. Бу — тулы технологик циклдагы республикада иң эре авыл хуҗалыгы предприятиеләренең берсе, үз эченә инкубатор, кош-корт үрчетү һәм үстерү зоналары, катнашазык заводы, сугым һәм тирән эшкәртү цехы, дип билгелиләр Авыл хуҗалыгы министрлыгында.
Фото: pravitelstvorb.ru
