"Турбаслы бройлерлары"н чит илләрдә дә беләләр

"Икътисадыбызның күп кенә башка тармакларындагы кебек үк, санкцияләр республиканың азык-төлек сәнәгате өчен яңа мөмкинлекләр ачты.

Мисалларның берсе - Башкортстанда яхшы билгеле «Турбаслы бройлерлары» предприятиесе. Биредә тиз туклану челтәре өчен тавык итеннән ярымфабрикатлар җитештерү буенча яңа цех төзеделәр. Чит илләрдән чимал китерү чикләнгән шартларда, урындагы җитештерүчеләр гомум туклану предприятиеләрен сыйфатлы продуктлар белән тәэмин итәргә әзер. Яңа цехны ачу нәтиҗәсендә предприятиедә өстәмә 75 эш урыны булдырылды. Хәзер монда аена 120 тонна әзер продукция җитештерәләр, якын арада бу күләмне 300 тоннага җиткерергә уйлыйлар.

Күптән түгел «Турбаслы бройлерлары»нда киң күләмле модернизация тәмамланды - 60 мең тоннага исәпләнгән комплексларны реконструкцияләделәр. Нәтиҗәдә, предприятие эчке һәм тышкы базарларны да тәэмин итәргә әзер. Хәзер кошчылык фабрикасына холдингның якын һәм ерак чит илләр өчен кош ите җитештерү һәм эшкәртү буенча терәк предприятиесе булырга тиеш. Безнең продукция Үзбәкстанга, Вьетнамга, Кытайга, Молдовага экспортка китәчәк.

"Турбаслы бройлерлары"на Башкортстанда бройлер итенең 70 процентка якыны туры килә. Предприятиенең куәте - елына 54 000 тоннадан артык ит, 44 миллионнан артык тавык йомыркасы, 7 000 тоннадан артык тирәнтен эшкәртү продукциясе - казылык, ветчина, затлы ит ризыклары, ярымфабрикатлар һәм башкалар.

Безнең азык сәнәгатенең шундый җитди уңышларын күрү күңелле. Ярдәм күрсәтүне дәвам итәбез, эшлибез һәм алга таба барабыз", - дип язган бүген социаль челтәрләрдә республика Башлыгы Радий Хәбиров.