Башкортстан агросәнәгать комплексын үстерүгә 4,3 миллиард сум юнәлтеләчәк

Башкортстан Республикасы Авыл хуҗалыгы министрлыгында инвесторларга уңайлы шартлар тудыру буенча комплекслы эш оештырылды. Бу эшнең уңышлы баруы дәүләт ярдәме чараларының югары нәтиҗәлелегенә бәйле. Агымдагы елда тармакны үстерүгә федераль һәм төбәк бюджетларыннан 4,3 миллиард сумга якын төрле субсидия юнәлтеләчәк. - Бүген Башкортстан Республикасының агросәнәгать комплексында 189,9 миллиард сумлык якынча 115 өстенлекле инвестиция проекты исәпләнә, шуларның 63е - 117,3 миллиард сумга, инвесторлар аларны инде гамәлгә ашыра, - дип билгеләп үтте Премьер-министр урынбасары, авыл хуҗалыгы министры Илшат Фазрахманов. - Акчалар кошчылыкка, дуңгызчылыкка, сөт һәм ит терлекчелегенә, яшелчәләр җитештерүгә һәм авыл хуҗалыгы продукциясен эшкәртүгә кертелгән. Мөһим момент: авыл хуҗалыгы өлкәсендә инвестпроектларны гамәлгә ашыру йомгаклары буенча төбәктә 16 мең эш урыны булдырылачак.

2018 елдан бездә Башкортстан Башлыгы Радий Хәбиров җитәкчелегендә “Инвестсәгать” дип аталган инвестицион комитет утырышлары уза, анда барлык перспектив проектлар турында фикер алышалар.

Утырышлар нәтиҗәләре буенча, төбәкнең бөтен Хөкүмәте катнашлыгында инвестпроектка ярдәм итү чаралары турында карарлар кабул ителә, бу аны гамәлгә ашыру вакытын сизелерлек тизләтә. Инвесторлар турыдан-туры республика Башлыгына сораулар бирергә, финанс ярдәменең барлык инструментлары турында белергә мөмкин. Нәтиҗәдә, инвестор үз проектын гамәлгә ашырудан алып, аның логик ахырына кадәр озатып барыла. Шулай итеп, дәүләт бу эшкә үз иңнәрен куя. Иң мөһиме - һәр "Инвестсәгать"тә диярлек авыл хуҗалыгы өлкәсендә нинди дә булса проект карала. Барлыгы алар 150 тирәсе каралды.

Фото: pravitelstvorb.ru