Урындагы эшкуарларга ничек ярдәм итәргә?

Катнашучылар муниципаль берәмлекләрдә эшкуарларга ярдәм күрсәтү мәсьәләләре буенча фикер алышты.

- Вәкаләтле вәкилнең иҗтимагый ярдәмчеләре республиканың һәр муниципалитетында эшли. Алар - бизнесны үстерү һәм ярдәм итү буенча үз күзаллавы булган актив һәм битараф булмаган эшкуарлар. Кагыйдә буларак, алар үз районнарында һәм шәһәрләрендә җәмәгатьчелек фикере лидерлары булып тора, эшкуарлар аларны белә, аларның киңәшенә колак сала, - диде Флүр Әсәдуллин. - Мондый өйрәтү чаралары алга таба алар эшкуарларга дөрес консультацияләр бирә, аларга ярдәм итә алсын өчен урыннардагы ярдәмчеләребезнең компетенцияләрен арттырырга мөмкинлек бирә, - дип билгеләде бизнес-омбудсмен.

Чара кысаларында аеруча актив иҗтимагый ярдәмчеләр урыннарда эш тәҗрибәсе белән уртаклашты. Даими алымнардан тыш, ярдәмчеләр эшкуарларга бизнес алып бару һәм аларның хокукларын һәм законлы мәнфәгатьләрен яклау мәсьәләләре буенча консультацияләр, административ киртәләрне, контроль чараларының законлылыгы, шулай ук гамәлдәге норматив-хокукый актларны камилләштерү буенча тәкъдимнәр эшләү буенча "түгәрәк өстәл"ләр һәм киңәшмәләр, эшкуарлыкны үстерүгә юнәлтелгән башка чаралар үткәрә.