Инвесторлар мал азыгы җитештерерме?

Башкортстанны өйрәнүче инвесторлар өчен, бизнесны үстерү мәйданчыгы буларак, Үсеш корпорациясе тарафыннан яңа инвестицион тәкъдим эшләнгән, ул хайваннар өчен азык җитештерү предприятиесе төзүне күздә тота. Тәкъдим ителгән исәпләүләр буенча, проектка инвестицияләр күләме, 23 яңа эш урыны булдырып, 172,6 миллион сум тәшкил итәчәк.

- Предприятиене “Алга” махсус икътисади зонасы территориясендә урнаштырырга тәкъдим итәбез. Биредә инвестор стандарт һәм махсус ветеринария азыклары җитештерә алачак. Моның өчен Башкортстанда кирәкле чимал базасы бар: ит комбинатлары, кошчылык фабрикалары һәм балык комбинатлары, шулай ук бөртекле һәм кузаклы культуралар. Безнең республиканың профильле уку йортлары ярдәмендә предприятие югары квалификацияле кадрлар белән тәэмин ителәчәк. Бу факторлар аның импортны алыштыру сәясәте шартларында тотрыклы эшләвенә ярдәм итәчәк, - дип аңлатты Башкортстан Республикасы Үсеш корпорациясе генеральный директоры Наил Габбасов.

Эшләнгән концепциядән тыш, кейста проектны гамәлгә ашыру сроклары һәм аларның аклануы турында кирәкле мәгълүматны чагылдыра торган финанс-икътисади күрсәткечләр дә бар. Моннан тыш, анда тәкъдим ителгән дәүләт ярдәме чаралары белән дә танышырга мөмкин. Шулай итеп, инвестор «Алга» махсус икътисади зонасы резидентлары өчен гамәлдә булган преференцияләрдән, шулай ук Сәнәгать үсеше фонды һәм Төбәк лизинг компаниясе тәкъдимнәреннән файдалана алачак.