-25 °С
Болытлы
Гәзиткә язылуVKOKTelegramЯRus
Барлык яңалыклар
Авыл хуҗалыгы
23 ноябрь , 19:12

"Чит илләргә дә товарны күпләп экспортлыйбыз"

Башкортстан Республикасы көне кысаларында ОТР федераль телеканалының туры эфирында Башкортстан авыл хуҗалыгы министры Илшат Фазрахманов республика продукциясен экспортлау турында сөйләде.

"Чит илләргә дә товарны күпләп экспортлыйбыз"
"Чит илләргә дә товарны күпләп экспортлыйбыз"

- Узган елда без республика продукциясен 46 илдә, шул исәптән Кытайга, Иранга, Үзбәкстанга, Казахстанга саттык. Европа илләренә дә күп нәрсә озатылды. Без Европага азык-төлек, рапс мае, көнбагыш мае саттык. Хәзер Европа белән эшләмибез, Азия базарына борылдык, - дип хәбәр итте министр. — Безнең продуктлар арзанрак, чөнки без үзебез кулланганнан күбрәк җитештерәбез. Ашлыкка ихтыяҗ ике миллион тонна булса, без биш миллион тонна җитештердек.

Көнбагыш маен үзебезгә кирәккәннән җиде тапкыр күбрәк җитештерәбез. Шикәр - 3,5 тапкырга күбрәк. Сөт буенча үз-үзебезне тәэмин ителгәнлек 127 процент тәшкил итә. Йомырка да шулай. Җир ресурсларыбызны кулланып, без үзебезне тулысынча тәэмин итәбез, күршеләргә һәм башка илләргә сатабыз. Үзебездә җитештергәнне тулысынча эшкәртәбез.

Автор:Гөлия Мөгаллимова
Читайте нас в