Русиядә беренче агросәнәгать кластеры төзелде

Башкортстанда Русиядә беренче агросәнәгать кластеры булдырылды. Тиешле документ Русия Федерациясе Сәнәгать һәм сәүдә министрлыгы тарафыннан 2022 елның 27 декабрендә кабул ителде - кластер сәнәгать кластерлары һәм сәнәгать кластерларының махсуслаштырылган оешмалары реестрына керде.

Башкортстанның сәүдә һәм хезмәтләр күрсәтү министры Алексей Гусев сүзләренә караганда, агрокластерның төп максаты, Русия Федерациясе Сәнәгать һәм сәүдә министрлыгының кластер программасы нигезендә, - бу илне чит илләрдән кертелә торган продукция белән, федераль субсидияләр алуда тәэмин итәчәк производстволарны эшләтеп җибәрүдә ярдәм; төбәк дәрәҗәдә - инвестиция проектын өстенлекле дип тану һәм аны гамәлгә ашырганчы барлык дәрәҗәләрдә озата бару.

- Моннан тыш, импортны алыштыру буенча проектларны гамәлгә ашыручы кластерда катнашучыларның барысы да киләсе елдан Сәнәгать һәм сәүдә министрлыгыннан ташламалы кредитлау программасына өметләнергә мөмкин, - дип ачыклык кертте Алексей Гусев.

Агрокластер, беренче чиратта, азык-төлек хәвефсезлеген тәэмин итү өчен кирәк. Кластер барлык звеноларны - фермердан алып кибеткә кадәр - бердәм товар җитештерүче чылбырга берләштерергә мөмкинлек бирәчәк.

- Азык-төлек эшкәртү сәнәгате предприятиеләренә импорттан кертелә торган өлешләрдән бәйлелекне киметергә мөмкинлек бирәчәк шартлар тудырырга - агрокластерның тагын бер идеясе. Беренчедән, сүз яңа җитештерү мәйданчыклары булдыру турында. Икенчедән, эшкәртүнең төрле этапларында кулланыла торган комплектлаучы, чимал, материалларны алмаштыру максатыннан гамәлдәге предприятиеләрнең җитештерү чылбырына кертү мөмкинлеген тәэмин итү турында, - диде Алексей Гусев.

Бу юнәлештә республикада актив эш алып барыла.

Инвестицияләр күләме 25 миллирд сум булган агропарк, күмәртәләп бүлү үзәге (8 миллиард сум), логистика үзәге (1,1 миллиард сум), траспорт-логистика үзәге (4 миллиард сум) һәм авыл хуҗалыгы продукциясен эшкәртү һәм саклау үзәге (2,6 миллиард сум) төзү проектларын гамәлгә ашыру стадиясендә.