Фермер хуҗалыкларына субсидия күләме артты

Премьер-министр сүзләренчә, фермер хуҗалыклары республиканың азык-төлек иминлеген тәэмин итүдә мөһим роль уйный. Алар авылда мәшгульлекне арттырырга ярдәм итә, авыл территорияләрен үстерүне стимуллаштыра. Санкцияле чикләүләр шартларында, эре авыл хуҗалыгы предприятиеләре белән чагыштырганда, фермерлар республиканың агросәнәгать комплексын үстерүне тәэмин итә. Бүген авыл хуҗалыгы продукциясе күләменең 36 проценты шәхси ярдәмче хуҗалыклардан килә, тагын 17 процентын фермерлар җитештерә.

- Төбәктә фермер хуҗалыклары эшчәнлеген үстерүгә ярдәм итү буенча федераль һәм төбәк программаларын берләштерү ярдәм итә. Чараларны гамәлгә ашыруның дүрт елы эчендә (2019-22 елларда) дәүләт ярдәменең гомум күләме 2 миллиард 856 миллион сум тәшкил итте. Барыннан да элек, бу - "Кече һәм урта эшкуарлык субъектлары акселерациясе" төбәк проекты чараларын гамәлгә ашыру нәтиҗәсе. Шушы вакыт эчендә республикада 233 яңа фермер хуҗалыгы төзелде, 12 меңнән артык консультация хезмәте күрсәтелде, 146 авыл хуҗалыгы кооперативына ярдәм күрсәтелде, - диде Андрей Назаров.

Төбәк Хөкүмәте Премьер-министры урынбасары, авыл хуҗалыгы министры Илшат Фазрахманов сүзләренчә, соңгы дүрт елда "Кече һәм урта эшкуарлык субъектлары акселерациясе" төбәк проектын гамәлгә ашыру уңаеннан 1,2 миллиард сумнан артык бюджет акчасы бүленде. Матди-техник базаны үстерүгә грантлар 24 авыл хуҗалыгы кооперативына һәм 108 гаилә фермасына бирелде.

Вице-премьер төбәктә фермер хуҗалыкларына ярдәм итү өчен республика бюджетыннан субсидияләр рәвешендә грантлар бирү тәртибенә үзгәрешләр кертү проекты эшләнүен билгеләп үтте.

Фото: yanzori.com