Барлык уңай үзгәрешләрне халык шунда ук күрә

Көн тәртибендә - авыл территорияләрен үстерү, чәчү кампаниясен үткәрү һәм төбәкнең федераль министрлык белән үзара хезмәттәшлеге мәсьәләләре.

Очрашу алдыннан Оксана Лут республика белән идарә итү үзәге мөмкинлекләрен өйрәнде, авыл хуҗалыгы һәм төбәк урманнарының янгын куркынычсызлыгы өлкәсендә ЦУРга интеграцияләнгән информсистемалар белән танышты.

Республика Башлыгы Русия авыл хуҗалыгы министры Николай Патрушевка һәм ведомствоның бөтен коллективына нәтиҗәле хезмәттәшлек өчен рәхмәт белдерде.

- Без Русия Авыл хуҗалыгы министрлыгы командасы белән бик нәтиҗәле эшлибез. Агросәнәгать тармагын үстерү буенча инициативаларыбызга һәм проектларыбызга ярдәм иткәнегез өчен зур рәхмәт, – дип билгеләп үтте Радий Хәбиров. - Башкортстанда авыл территорияләрен комплекслы үстерү программасын яхшы темплар белән тормышка ашырабыз. Бу безнең халык өчен бик мөһим. Һәм без проектны алга таба да алга этәрергә телибез.

Русия авыл хуҗалыгы министрының беренче урынбасары 2023 елда язгы кыр эшләре гадәттәгедән иртәрәк башлануын билгеләп үтте һәм республика аграрийларына уңышлы чәчү кампаниясе теләде.

- Соңгы елларда Башкортстан агросәнәгать үсеше ягыннан алга китте. Бу - беренче чиратта 2022 елның рекордлы уңышы 5 млн тонна ашлык. Товарлы сөт, башка төр продукция буенча да үсеш бар, - диде Оксана Лут. - Республика Авыл территорияләрен комплекслы үстерү программасын гамәлгә ашыру буенчад лидерлар арасында 2023 елда бу максатларга 700 млн сумнан артык акча җибәрәбез. Планнарда - юлларны ремонтлау, торак һәм социаль объектлар төзү. Иң мөһиме, барлык уңай үзгәрешләрне халык шунда ук күрә.