+21 °С
Облачно
Авыл хуҗалыгы
19 Мая 2023, 04:47
“Азат” – финиш сызыгында!
Федоровка районындагы алдынгы хуҗалыкта иртә культураларны соңгы гектарларда чәчәләр.Районның “Азат” җәмгыятендә 12 майда без булганда иртә культураларны 900 гектарда чәчәселәре калган иде.
“Азат” – финиш сызыгында!
23 апрельдән 11 майга кадәр “Амозоне” чәчү комплекслары таккан ике “К-744” тракторы һәм дүрт “Беларус” хуҗалык басуларында ике сменада тәүлек әйләнәсенә чәчте. Шул рәвешле 12 майга чәчү эшләрен 80 процентка төгәлләдек. Төнлә башланган көчле яңгыр эшне беразга туктатып торырга мәҗбүр итте, шуңа да механизаторлар да, куәтле техника да бүген “ял итә”. Әмма без моңа сөенәбез генә, чөнки җир дымга туенып калачак. Көннәр утыру белән янә эшкә тотынып, чәчүне бер атнада тәмамларбыз, дип торабыз, – диде, хуҗалыкта эшләр торышы белән таныштырып, “Азат” җәмгыяте җитәкчесе Азат Әминев.
Куәтле басу техникасын биредә үз һөнәренең осталары булган алдынгы механизаторлар Вилдан Халитов, Степан Селяев, Айдар Усманов һәм Илдар Кинҗәгулов иярлиләр. “Амозоне” чәчү комплексы тагылган “К-744” тракторларында алар ике сменада тәүлек әйләнәсенә чәчә һәм бүген инде соңгы гектарларда эш алып баралар. “Беларус” тракторларында эшләүче басу батырлары Тәлгать Дашкин, Илдус Сөяргулов һәм Геннадий Антошкин да гомум эшкә зур өлеш кертә. “КамАЗ” водительләре Ринат Дашкин, Олег Асабин, Иван Сальников һәм Василий Евдокимов исә тәүлек әйләнәсенә берөзлексез чәчү комплексларын җитәрлек күләмдә ашлама һәм орлык белән тәэмин итеп тора.
Куәтле басу техникасын биредә үз һөнәренең осталары булган алдынгы механизаторлар Вилдан Халитов, Степан Селяев, Айдар Усманов һәм Илдар Кинҗәгулов иярлиләр. “Амозоне” чәчү комплексы тагылган “К-744” тракторларында алар ике сменада тәүлек әйләнәсенә чәчә һәм бүген инде соңгы гектарларда эш алып баралар. “Беларус” тракторларында эшләүче басу батырлары Тәлгать Дашкин, Илдус Сөяргулов һәм Геннадий Антошкин да гомум эшкә зур өлеш кертә. “КамАЗ” водительләре Ринат Дашкин, Олег Асабин, Иван Сальников һәм Василий Евдокимов исә тәүлек әйләнәсенә берөзлексез чәчү комплексларын җитәрлек күләмдә ашлама һәм орлык белән тәэмин итеп тора.
Әйткәндәй, хуҗалыкта быел 720 тонна аммиак селитрасы һәм 150 тонна аммофос ашламасы сатып алынган. Шул рәвешле һәр гектарга 100 килограмм күләмендә ашлама кертелгән. Ә бу инде быел да мул уңыш үстереп алу өчен төп шартларның һәм нигезләрнең берсе булып тора.
Яңа уңыш язмышы өчен җан атучы хуҗалыкның Югары Явыш бүлекчәсе идарәчесе Алмаз Гобәйдуллин һәм инженер Евгений Данилов та бу көннәрдә, чын мәгънәсендә, янып эшлиләр. Техниканың төзек һәм өзеклекләрсез эшләве дә, хезмәтне оештыру да, хуҗалыкның оста пешекчеләре Нурия Дашкина һәм Светлана Зазуленко әзерләгән ашлар белән басу батырларын сыйлау да, башка күпсанлы мәсьәләләр дә алар җаваплылыгында.
– Кайсы егетне генә алсаң да, үзенә йөкләтелгән бурычларны җиренә җиткереп башкара. Әфарин аларга! – диде бу уңайдан Азат Әминев.
Хуҗалык җитәкчесе белдерүенчә, 1760 гектарда көздән чәчелгән уҗым культуралары да яхшы кышлаган һәм мул уңыш вәгъдә итә. Шул рәвешле, бу көннәрдә иртә культуралар чәчүне тәмамлаучы “Азат” җәмгыяте уңганнарына 450 гектарда кукуруз чәчәсе генә кала. Биредә булган куәтләр бу эшне дә бик кыска агротехник срокларда башкарып чыгу мөмкинлеге бирә.
Менә шулай тырыш һәм фидакарь хезмәт белән “Азат” җәмгыяте уңганнары яңа уңышларга, яңа казанышларга юл яра. Көзен, салган хезмәтләренең югары нәтиҗәсен күреп, сөенергә язсын аларга!
Илдар Фазлетдинов.
