+23 °С
Ачык
Гәзиткә язылуVKOKTelegram
Барлык яңалыклар
Авыл хуҗалыгы
16 гыйнвар , 09:12

Салкын да, эссе дә булмасын

Кышкы айларда сыер малын тәрбияләү аерым игътибар таләп итә. Алар асралган абзар эче иркен, коры һәм якты булырга тиеш. Ишек-тәрәзәләрне көнчыгышка яисә көньякка каратып эшләргә кирәк. Алар төньякка караганда бина эче суык булачак һәм яшь үрчемгә салкын тиюе ихтимал. Абзар ишеге төньяктан ачылу, шулай ук, һава алышынуын тоткарлый һәм бинаның яхшылап кибүенә комачаулый.

Салкын да, эссе дә булмасын
Салкын да, эссе дә булмасын

Улак терлек аңа кереп баса алмаслык биеклектә булсын. Тәрәзәләрне ачылмалы, яктылыкны маллар-ның артыннан яисә кырыеннан төшәрлек итеп эш­ләргә кирәк. Кояш яктысы һич тә аларның күзлә­ренә туры төшәрлек булмасын. Идәнне бер якка авышрак, мал бәвеле читкә агып тө­шәрлек итеп эш­ләгез.
Абзар эчендә температура бик түбән булса, мал азыгының күбрәк сарыф ителүен, ягъни терлек организмына җылыну өчен энергия булдыруга китәчә­ген белеп торыгыз.


Сыер малының тиресен һәрвакыт чиста тотарга ки­рәк. Кышын тире малны сал­кыннан саклый. Мал тиресен­дәге күзәнәкләр аша организм углекислотадан һәм артык су парыннан арына. Шуңа күрә тиренең чиста булуы бигрәк тә сөт бирүче мал өчен аеруча мөһим.
Мөмкинлек булганда, малларны һәрвакыт чиста тотарга тырышырга кирәк. Режимны катгый үтәү мө­һим – көн дә бер үк вакытта ашатырга, эчерергә һәм саварга онытмагыз. Режимны сакламау малның сәламәт­легенә генә түгел, продукт­лылыгына да, сөт бирүенә дә кире йогынты ясый.
Кыш көне мал асралган бинада һава температурасы 8-12 градус булса яхшы. Әлеге күрсәткечтән югарырак булганда маллар хәл-сез­ләнә, продуктлылык тү­бә­нәя.


Мал асралган бинада тиешле яктылыкны тәэмин итү өчен идән мәйданының тәрәзә­ләрнең гомум мәйда­нын­нан 10-15 тапкыр күбрәк булуы мотлак. Әл­бәттә, тә­рә­зәләргә малларның буе җитәрлек булмасын. Бинада асралган сыер малла­рының һәркайсына 18-20 квадрат метр мәйдан туры килергә тиеш.
Һәр сыерга астына җәю өчен тәүлегенә 1,5 килограмм салам, 2-5 килограмм кипкән пычкы чүбе таләп ителә.
Мал асралган бина янә-шәсендә салкынлык 15 градустан түбән булмаган көн-нәрдә аларны иркендә йөр-тү өчен киртәләп алынган мәй­данчык эшләгез.

Автор:Гөлия Мөгаллимова
Читайте нас: