+2 °С
Болытлы
Барлык яңалыклар
Авыл хуҗалыгы
9 гыйнвар 2025, 21:09
Уфада умартачыларның Api Global халыкара конгрессы узачак
23 гыйнварда Уфада умартачыларның Api Global халыкара конгрессы старт ала. "Торатау" конгресс-холлында Русия һәм башка илләрнең умартачылары тәҗрибә уртаклашу, тармактагы проблемалар турында фикер алышу һәм аларны хәл итүнең оптималь юлларын табу өчен җыелачак.
Уфада умартачыларның Api Global халыкара конгрессы узачак
Башкортстаннан һәм Русиянең башка почмакларыннан умартачылык өлкәсендә экспертлардан тыш, Кытайдан, Беларусьтан, АКШтан, Чилидан, Италиядән, Грузиядән һәм башка илләрдән кунаклар килүе көтелә. Белгечләр эре сәнәгать умарталыкларын булдыру, ана кортларны үрчетү, умарталарны ясалма орлыкландыру тәҗрибәләре белән уртаклашачаклар.
ApiGlobal-2025 конгрессының төп максатларының берсе умартачылыкны үстерүгә һәм тармакка өстәмә инвестицияләр җәлеп итүгә ярдәм итү булачак. Шуңа күрә чара кунаклары өчен махсус мәйданчык – «Бизнесны масштаблаштыру» тәкъдим ителәчәк. Монда инвесторлар һәм сәнәгать умартачылары үзара бәйләнеш таба һәм эшлекле элемтәләр урнаштыра алачак.
Конгресста умартачылык җайланмаларының масштаблы күргәзмәсе эшләячәк.
Фото: pravitelstvorb.ru
Новости партнеров