+2 °С
Болытлы
Барлык яңалыклар
Авыл хуҗалыгы
20 гыйнвар 2025, 15:15
Ташламалы авыл ипотекасы - файдалы проект
Соңгы 5 елда вәкаләтле банклар тарафыннан 22 миллиард сумлык 8600дән артык кредит бирелгән. Ярдәмнең бу чарасы буенча республика илдә тотрыклы рәвештә беренче урынны саклап кала. Бу хакта Башкортстан Хөкүмәтенең оператив киңәшмәсендә авыл хуҗалыгы министры Илшат Фазрахманов хәбәр итте.
Ташламалы авыл ипотекасы - файдалы проект
Ул билгеләп үткәнчә, узган елда 4,2 миллиард сумлык 866 кредит бирелгән. Чагыштыру өчен: 2023 елда 4 миллиард сумлык 1208 кредит бирелгән булган.
Төп ставканың югары булуын исәпкә алып, бүлеп бирелгән акчаларның төп өлеше элек бирелгән кредитларны тәэмин итүгә юнәлтелә, шуңа күрә яңа кредитлар бирү күләме кими.
Илшат Фазрахманов билгеләп үткәнчә, 2026 елга акча бүлеп биргәндә республикага авыл ипотекасына максималь күләмдә акча җәлеп итү чаралары күреләчәк.
Фото: башинформ.рф
Новости партнеров