Радий Хәбиров «АгроКомплекс» Халыкара күргәзмәсендә булды

Үзенең алдынгы эшләнмәләрен һәм технологияләрен Русиянең 40 төбәгеннән, шулай ук Беларусь, Казахстан һәм Сенегалдан барлыгы 380нән артык катнашучы тәкъдим итте. Экспозицияләрне Башкортстанның 50 крестьян-фермер хуҗалыгы да әзерләгән.

Радий Хәбиров туфрак эшкәртү һәм чәчү комплекслары булган «Кировец» тракторларын карады. Республиканың аграр секторында аларга ихтыяҗ зур. Төбәкнең авыл хуҗалыгы җитештерүчеләрендә шундый 1 000 машина бар.

Радий Хәбиров шулай ук минераль ашламалар базарында эшләүче компанияләр стендларын карады. Төбәк җитәкчесе бәяләр сәясәте мәсьәләләре турында фикер алышты.

Журналистлар белән әңгәмәдә Радий Хәбиров, күп кенә предприятиеләр үзләренең үсеше өчен дәүләт ярдәме чараларын актив куллана, дип ассызыклады.

- «АгроКомплекс» күргәзмәсендә авыл хуҗалыгы техникасын җитештерүче республика предприятиеләре елдан-ел арта. Мәсәлән, Стәрлетамакта үзйөрешле чапкычлар эшли, Кырмыскалы районында яңа тракторлар җыя башладылар. Башкортстан үз осталары белән бай, - диде республика җитәкчесе. - Ә безнең бурыч бик гади - авыл хуҗалыгы хезмәтчәннәренә яңа техника сатып алырга ярдәм итү.

Фото: glavarb.ru