-10 °С
Болытлы
Барлык яңалыклар
Авыл хуҗалыгы
7 ноябрь 2025, 10:40
30 елдан АПК ничек булачак?
2050 елга кадәр авыл хуҗалыгы җитештерүе дөнья күләмендә тамырдан үзгәрәчәк. Планетар масштабта дәвам иткән социаль, фәнни-технологик, икътисади, экологик һәм төрле трендлар йогынтысында җитештерү тармаклары үсешендә һәм халыкны азык-төлек белән тәэмин итүдә роботлар һәм алар ярдәмендә “җитештерелгән” биоризыклар өстенлек итәчәк, дигән фикердә галимнәр.
30 елдан АПК ничек булачак?
Планета халкы арту азык-төлеккә ихтыяҗны үстерәчәк. Шул ук вакытта, авылда яшәүчеләрнең кимүе сөренте мәйданнар азаюга китерәчәк. Шуңа күрә, галимнәр фикеренчә, аграр тармакта эшләүчеләрне, нигездә, югары нәтиҗәле технологияләр – роботлар, БПЛА, басучылыкта – гидротехника, яңа селекция үрнәкләре һәм яңа энергия чыганаклары алыштырачак.
2050 елга аксымның альтернатив төрләренә өстенлек бирә башлау фаразлана. Аңлаешлырак әйткәндә, ясалма ит сәнәгать җитештерүенә күчереләчәк. Моннан тыш, рационга су (диңгез) үсемлекләре күбрәк тәкъдим ителәчәк. Аграр җитештерүдә һавага зарарлы газларны зур дәрәҗәдә чыгаручы авыл хуҗалыгы тармагының 2033 елга кадәр аны киметәчәге көтелә.
Авыл хуҗалыгы культуралары уңышы арту аның мәйданнары зураюга түгел, ә файдаланылганының продуктлылыгын күтәрүгә бәйле булачак. Сатып алучыларга экологик чиста яисә крестьян ихаталарында җитештерелгән продукцияне робот техникасы һәм селекция казанышлары ярдәмендә “ябык мәйдан”нарда үстерелгәне алыштырачак.
Новости партнеров