Барлык яңалыклар
Серле сериал
25 сентябрь 2020, 16:15

Уфа астында тагын бер шәһәр бар, диләр...

Киң тонельләр челтәре бункерларга алып бара, ди...

Киң тонельләр челтәре бункерларга алып бара, ди...

Башкортстан башкаласы Уфа берничә гасыр эчендә төрле легенда һәм риваятьләр белән дә "баетылган".

Бүген без Уфа белән бәйле иң куркыныч һәм танылган тарихларны искә төшерергә булдык. Шуларның иң киң таралганы - шәһәр астында киң тоннельләр челтәре бар, аларның кайберләре яшерен бункерларга алып бара.

Ниндидер көтелмәгән вакыйга булса, хакимият вәкилләре шунда тыныч яши алачак, имеш. Уфа сталкерлары шундый урыннарның берсе - Нижегородкадан ерак түгел, ә икенчесе Хөкүмәт йорты янында урнашкан, дип ышандыра. Ләкин моны дәлилләүче һаман да юк....

Башкортстанның башкаласында иң танылган өрәкләр турында сүзләр популяр, шуларның иң танылганы - элекке Сәүдә сарае буйлап, әле реконструкциягә кадәр үк, борынгы кафтанда һәм биек эшләпәдә бер сәүдәгәр йөри, имеш....

Төнге сменада эшләгән сакчылар еш кына яшерен кунак белән көтмәгәндә очрашуларын тәфсилләп уртаклашалар. Аның кулында камчы һәм ул сәүдә рәтләрен өйрәнергә подвалдан чыга икән...

Хәер, яңартылган "Кәрвансарай" сәүдә үзәгендә мондый коточкыч хәлләр турында сүз юк. Новоалександровкадагы абортарий турында да коточкыч сүзләр йөри. Монда кайчандыр законсыз абортлар ясалган икән.

Легендалар, эш законсыз абортлар белән генә чикләнмәгән, барлык операцияләр дә шома гына узмаган, ә үлгән хатын-кызлар мәңгегә югалган, дип белдерә.