+21 °С
Болытлы
Шәхес
3 апрель 2021, 05:55
Дүсәннән - дөнья киңлегенә
Атаклы якташыбыз Кәрим Хәкимов мирасы дөньяга чыга.
Атаклы якташыбыз Кәрим Хәкимов мирасы дөньяга чыга.
Җомга көнне Ливан һәм Русия җәмәгатьчелегенә Олег Озеровның гарәп илләрендә беренче совет дипломаты турында "Кәрим Хәкимов: тормыш елъязмасы" дип аталган китабын тәкъдим иттеләр. Бу чара Бейрут, Мәскәү, Истанбул, Анталья, Уфа, Казан һәм Ырынбур арасында видео-конференц-элемтә форматында узды.
Данлыклы якташыбыз, хәзерге Башкортстанның Бишбүләк районы Дүсән авылында туын үскән Кәрим Хәкимовның (1892-1938) Октябрь революциясеннән соң гарәп һәм мөселман илләре белән Мәскәүнең мөнәсәбәтләренә нигез салуын билгеләп үтте китап авторы. "Совет Русиясенең Согуд Гарәбстанындагы беренче вәкаләтле вәкиле һәм Йәмәндә Мешхедта Генераль консулы булып эшләгән шәхеснең язмышын һәм эшчәнлеген өйрәнү, Көнчыгыш белән безнең элемтәләрнең башлангычын һәм табигатен аңлау өчен зур әһәмияткә ия", - дип ассызыклады Озеров. Аның сүзләренә караганда, "гади крестьян гаиләсендә туган Хәкимов һөнәри революционер буларак үскән, ә аннары иске тәртипләрне җимерүче дипломатка һәм дәүләт эшлеклесенә әверелгән".
Хакимовның Согуд Гарәбстанында хакимлек итүче династиягә нигез салучы Абдел Азиз ибн Согуд белән шәхси дустанә мөнәсәбәтләр урнаштыруы зур казаныш булды. "1926 елда Совет дипломаты, Согуд дәүләте башлыгына ышаныч грамоталарын тапшыру өчен ком чүллеген автомобильдә кисеп үтә, - дип сөйләде автор. - Бу шактый кыюлык таләп иткән, ләкин революцияне һәм Гражданнар сугышын үткән Хәкимов үзенә йөкләнгән бурычны намус белән үтәде".
Ырынбур тарих-туган якны өйрәнү музееның фәнни-экспозиция бүлеге мөдире Динә Нетбаева Хәкимов төрле елларда сурәтләнгән фотоальбом күрсәтте, ә Казаннан публицист Римзил Вәлиев 1971 елда дипломатның тормыш иптәше белән очрашуы турында сөйләде. Аның сүзләренчә, 1938 елда ирен атып үтергәннән соң, Хәдичә Кәримова да репрессияләнә һәм шактый гомерен Сталин лагерьларында үткәрә.
Радик Әмиров хәбәр иткәнчә, "Кәрим Хәкимов: тормыш елъязмасы" китабы белән таныштыру тәүдә Истанбулдагы Башкортстан вәкиллегендә һәм Антальяда Русия илчесе Андрей Карловның мемориаль музеенда булган. Хәзер китапны инглиз һәм гарәп телләрендә бастырып чыгару әзерләнә, дип хәбәр итә ТАСС.
Фото: Яндекс.Дзен
Җомга көнне Ливан һәм Русия җәмәгатьчелегенә Олег Озеровның гарәп илләрендә беренче совет дипломаты турында "Кәрим Хәкимов: тормыш елъязмасы" дип аталган китабын тәкъдим иттеләр. Бу чара Бейрут, Мәскәү, Истанбул, Анталья, Уфа, Казан һәм Ырынбур арасында видео-конференц-элемтә форматында узды.
Данлыклы якташыбыз, хәзерге Башкортстанның Бишбүләк районы Дүсән авылында туын үскән Кәрим Хәкимовның (1892-1938) Октябрь революциясеннән соң гарәп һәм мөселман илләре белән Мәскәүнең мөнәсәбәтләренә нигез салуын билгеләп үтте китап авторы. "Совет Русиясенең Согуд Гарәбстанындагы беренче вәкаләтле вәкиле һәм Йәмәндә Мешхедта Генераль консулы булып эшләгән шәхеснең язмышын һәм эшчәнлеген өйрәнү, Көнчыгыш белән безнең элемтәләрнең башлангычын һәм табигатен аңлау өчен зур әһәмияткә ия", - дип ассызыклады Озеров. Аның сүзләренә караганда, "гади крестьян гаиләсендә туган Хәкимов һөнәри революционер буларак үскән, ә аннары иске тәртипләрне җимерүче дипломатка һәм дәүләт эшлеклесенә әверелгән".
Хакимовның Согуд Гарәбстанында хакимлек итүче династиягә нигез салучы Абдел Азиз ибн Согуд белән шәхси дустанә мөнәсәбәтләр урнаштыруы зур казаныш булды. "1926 елда Совет дипломаты, Согуд дәүләте башлыгына ышаныч грамоталарын тапшыру өчен ком чүллеген автомобильдә кисеп үтә, - дип сөйләде автор. - Бу шактый кыюлык таләп иткән, ләкин революцияне һәм Гражданнар сугышын үткән Хәкимов үзенә йөкләнгән бурычны намус белән үтәде".
Ырынбур тарих-туган якны өйрәнү музееның фәнни-экспозиция бүлеге мөдире Динә Нетбаева Хәкимов төрле елларда сурәтләнгән фотоальбом күрсәтте, ә Казаннан публицист Римзил Вәлиев 1971 елда дипломатның тормыш иптәше белән очрашуы турында сөйләде. Аның сүзләренчә, 1938 елда ирен атып үтергәннән соң, Хәдичә Кәримова да репрессияләнә һәм шактый гомерен Сталин лагерьларында үткәрә.
Радик Әмиров хәбәр иткәнчә, "Кәрим Хәкимов: тормыш елъязмасы" китабы белән таныштыру тәүдә Истанбулдагы Башкортстан вәкиллегендә һәм Антальяда Русия илчесе Андрей Карловның мемориаль музеенда булган. Хәзер китапны инглиз һәм гарәп телләрендә бастырып чыгару әзерләнә, дип хәбәр итә ТАСС.
Фото: Яндекс.Дзен
