-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Шәхес
10 октябрь 2021, 15:00

Мәҗит Гафури иҗаты — милли байлыгыбыз

Республика көне уңаеннан туган ягыбыздан чыккан күренекле кешеләрне искә алуны дәвам итәбез.  

Мәҗит Гафури иҗаты — милли байлыгыбыз

Мәҗит Гафури — совет язучысы, башкорт һәм татар әдәбияты классигы, публицист, драматург һәм фольклор җыючы.
Башкорт АССРының халык шагыйре. Язучы һәм шагыйрь Мәҗит Гафури иҗаты Татарстан һәм Башкортстанның милли байлыгына әверелде. Татар һәм башкорт телләрендә иҗат иткән әдәбиятчының әсәрләрендә ХХ гасыр башындагы бөек үзгәртеп корулар чорында яшәгән кешеләрнең социаль карашлары чагылдырыла.
ГАФУРИ ИҖАТЫНДА РОМАНТИК ТЕМАТИКА БАРЛЫККА КИЛГӘЧ ТӘ, ПАТРИОТИЗМ ҺӘМ ТИГЕЗСЕЗЛЕККӘ КАРШЫ КӨРӘШ АНЫҢ ӘСӘРЛӘРЕНЕҢ ТӨП ӨЛЕШЕ БУЛЫП КАЛДЫ.
Уфаның Гоголь урамында шагыйрь гаиләсе белән яшәгән йортта хәзер Мәҗит Гафури мемориаль музее урнашкан. Театр бинасы каршында башкорт һәм татар язучысына һәйкәл куелган. Башкортстан башкаласында шулай ук Мәҗит Гафури исемендәге Мәдәният фонды эшли.
1967 елда Ишембайда Гафури бюстын ачу тантанасы була, ә 1974 елда аны һәйкәлгә алыштыралар. Халык шагыйренең туган авылы Җилем-Каранда аның шәхси әйберләре экспозициясе булган музей-йорт урнашкан. Бөтен Русия буенча 200гә якын урам атамасы Мәҗит Гафури исеме белән бәйле. Шулай ук әдип хөрмәтенә тулы бер районнар, торак пунктлар, парклар да аталды.

Фото: https://biographe.ru/znamenitosti/majit-gafuri/

 

Автор:Ләйсән Якупова