+24 °С
Яңгыр
Шәхес
30 июль 2022, 07:15
"Югалтмагыз, арагызда бик сирәк булсам..."
Казанда халык шагыйрь Роберт Миңнуллинның каберенә таш кую мәрәсиме үтте.
"Югалтмагыз, арагызда бик сирәк булсам..."
Анда аның иң якын кешеләре генә җыелган.
«Əтинең ташы үзе кебек гади һәм эчтәлекле булырга тиеш иде. Ул биредәге башка ташлардан зурлыгы белән аерылып тормый, чөнки әти халыктан аерылып тормады», ди шагыйрьнең кызы Таңсылу Сабирова.
«Əтинең ташы үзе кебек гади һәм эчтәлекле булырга тиеш иде. Ул биредәге башка ташлардан зурлыгы белән аерылып тормый, чөнки әти халыктан аерылып тормады», ди шагыйрьнең кызы Таңсылу Сабирова.
Ташта шагыйрьнең түбәндәге шигыре уелган:
Бик кирәк булсам...
Арагызда гел булмам,
Китәрмен бер көн...
Китүемне бәлки әле
Сизмәс тә беркем.
Мин булырмын сез белмәгән
Чит-ят якларда.
Бәлки, кайтып та йөрермен
Мин кайчакларда.
Югалтмагыз, арагызда
Бик сирәк булсам...
Шигырьләремнән табарсыз,
Бик кирәк булсам.
Шагыйрьнең кызы таш кую эшендә ярдәм иткән Хөкүмәткә, Мәдәният министрлыгына, ташны ясаучыларга рәхмәтләрен җиткерде, дип яза Татар-информ.
Фото: татар-информ
