Ике аяксыз әби СВОга ярдәм итә

Аякларын берничә ел элек ампутацияләгәннәр.

Ләкин пенсионер зарланмый һәм, тормыш авырлыгына карамастан, махсус операциядә катнашучыларга ярдәм итү өчен үзендә көч таба, алар өчен мунчалалар бәйли. Аның турында «Октябрьский нефтяник» язган.

Идея үзеннән-үзе килеп чыккан: телевизордан күпләрнең Русия сугышчыларына бәйләнгән оекбашлар һәм бияләйләр җибәрүләрен күреп, яхшы эшкә кушылырга карар итә. "Әгәр килеп чыкса, бәйләргә тырышырмын, дип уйладым. Мин моңа кадәр дә туганнарым, мунчасы булган һәркем өчен мунчала бәйләдем. Рузилә кызымның дусты аның өчен җепләр китерә", - дип сөйли игелекле хатын.

Нурикамал Шакирҗановнаның язмышы җиңел түгел: бала чагында сугыш башлана. Әти-әнисе сугыш алдыннан вафат була, өч баласын әбисе тәрбияли. Кечкенәдән Туймазы совхозларында эшли, барлык эш төрләренә дә тотынырга туры килә.

"Сыерлар саудык, совхозда ашлык төйи идек. Нәрсә генә эшләмәдек! Ул чакта барысы да кул белән бит. Урысча бер сүз дә белмичә укырга кердем. Төркемдә 10 урыс кызы бар иде, һәм мин бер генә татар кызы», — дип искә ала басманың герое. Яшь Нурикамал останың хатыны белән аралаша, аңа өйдә ярдәм итә, ә ул үз чиратында аңа урыс телен өйрәнергә ярдәм итә. Яхшы укый.

Нурикамал Гыйләҗетдинова яшь чагыннан энәләр белән дус. "Мин өйдә ничә кофта, ничә шәл бәйләдем икән. Ул вакытта акча җитми иде", - дип искә ала ул.

Кияүгә чыккач тормыш бераз  җиңеләя: ире НГДУда берничә ел эшләгәннән соң, фатир алалар. Нурикамал Шакирҗановна эшен туктатмый. Маляр да, ташчы да була. Енисейга командировкага бара, Октябрьскины матурайтырга ярдәм итә: элеккеге Техника йортында кәрнизләр ясыйлар.

Җиде ел элек аның бер аягын ампутацияләгәннәр, кызы үз янына алып киткән. Нурикамал Шакиҗановна бер урында утырырга күнекмәгән, шуңа күрә өйдә ярдәм итәргә тырыша, якыннарын иртәнге аш белән сөендерергә ярата. Арба ярдәмендә өй буйлап йөри.

Хәзер иртәнге ашларны кияве әзерли, ә арбаны инвалид коляскасы алмаштырган. Әмма кайгыртырга кеше бар икән, Нурикамал Шакирҗановна тормыш сөючәнлеген югалтмый. Сугышчылар турында ул болай ди:: "Аллаһ аларга сәламәтлек һәм сабырлык бирсен, барысы да әйләнеп кайтсын. Без барыбыз да монда яшибез, ә җаныбыз алар өчен тыныч түгел».

Әзер мунчалаларны колледжга тапшырачаклар, анда «Оберег» волонтерлар берләшмәсе һәм октябрьскилылар маскировка челтәрләре үрәләр. Аннан әбинең мунчалалары махсус хәрби операция сугышчыларына җибәреләчәк.