Рөстәм Нәбиев Ирәмәл тавын авыр яулавы турында сөйләде. Социаль челтәрләрдә шәхси аккаунтында язганча, күтәрелеш яңгыр шартларында 17 сәгать дәвам иткән. Гомумән алганда, ул 15 км юл үткән. Өстәвенә, юлның бер өлешен аңа йодрыкларында хәрәкәт итәргә туры килгән, куллары тыңламаган. Рөстәм сүзләренчә, юлда коеп яңгыр яуган. Моннан тыш, аны туристлар даими рәвештә танып тора һәм бергә фотога төшәргә сорый. Блогер беркемне дә кире какмаган.
Рөстәм Нәбиев ни өчен элек Башкортстандагы тауларны санга сукмаганлыгы һәм башка илләрдәге тауларга менгәнлеге турында сорауга җавап та биргән.
"Нигә икәнен белмим. Моның өчен, мөгаен, өлгерергә, әзер булырга, үсәргә кирәк булгандыр. Мин тауларга күңел ачу, кызыксыну һәм башкалар өчен менмим. Һәрбер түбәгә мин ниятләр, үз максатларым һәм сорауларым белән күтәреләм. Алар барлыкка килгәч, мин әзер булдым. Бу изге тау башында торырга менә хәзер әзермен", - дип язган ул.
Ирәмәлдән соң Рөстәм Нәбиев Араратка күтәрелергә планлаштыра. Бу хакта ул шәхси блогында язган.