+4 °С
Болытлы
Барлык яңалыклар
10
Шәхес
9 март , 20:48
Ак бураннар алып китте сине...
Бөек шагыйребез Әнгам Атнабаевның бертуган энесе Мәгъдән абыйны озатып кайттык.
Ак бураннар алып китте сине...
Бик авыр булып тора әле күңелгә. Хәтердә аның белән бәйле төрле истәлекләр яңара, озак еллар бик матур аралашып яшәдек. Ә әткәй үлгәч, ул миңа бөтенләй якын булып калган иде, чөнки, беренчедән, алар минем әткәй белән яшьтәшләр иде, икенчедән, бергә эшләделәр. Үзе дә гел "Кызым!" - дип аркадан сөяр иде...
Мәгъдән Касыйм улы күренекле җәмәгать эшлеклесе булды. Аның туган Күрдеме, Тәтешлесе өчен эшләгән эшләрен санап бетерерлек тә түгел. Шулай ук туганнары - Русиянең һәм Башкортстанның халык артисты Зинира Атнабаева һәм Башкортстанның халык шагыйре Әнгәм Атнабаевның истәлеген мәңгеләштерү, мирасын саклап калу, яшь буынга җиткерү өчен зур көч салды ул.
Яше олы булуга карамастан, эшләде, йөгерде, тапты, булдырды... Сәгатьләре санаулы гына калуын сизенгәндәй, күбрәк эшләп калырга тырышты. Авыл халкына, яшьләргә дин белеме бирүгә дә аның өлеше санап бетергесез. "Мин балаларны яратам!" - ди иде ул, "Күрдем чишмәләре" бәйгесендә балаларга бүләкләр әзерли иде. Кыскасы, Мәгъдән абый башкарган эшләр барыбызга да үрнәк иде!
Мин аның энергиясенә сокланып бетә алмый идем! 93 яше туларга торган кеше шулкадәр җитез хәрәкәтле, чыдам булсын әле! Узган елда СВОда улын - Зөфәр абыйны югалту кайгысын эчтән ничек кенә авыр кичерсә дә, тыштан күрсәтмәскә тырышты. Сабырлыгы да шулкадәр күркәм иде. Әйтер сүзен әйтә, фикерләрен ишеттерә белде.
Торып-торып сагынырбыз инде сине, Мәгъдән абый!
...Элек сине Әнгам абыйга охшатып, аның белән чагыштырып, синнән аның чалымнарын эзли идек. Ә хәзер уйлыйм: син үзең олы шәхес, үзең бер легенда булгансың! Хуш, аксакалыбыз! Урының җәннәт түрләрендә булсын!
...Сине озатканда табигать та елады кебек: Күрдемеңдә буран күтәрелде, дөнья ап-ак булды. Син үлмәдең, ак күңелле аксакалыбыз шул бураннар арасына кереп кенә китте кебек...
Гөлнара Гыйлемханова, Тәтешле, Күрдем.
Мәгъдән Касыйм улы күренекле җәмәгать эшлеклесе булды. Аның туган Күрдеме, Тәтешлесе өчен эшләгән эшләрен санап бетерерлек тә түгел. Шулай ук туганнары - Русиянең һәм Башкортстанның халык артисты Зинира Атнабаева һәм Башкортстанның халык шагыйре Әнгәм Атнабаевның истәлеген мәңгеләштерү, мирасын саклап калу, яшь буынга җиткерү өчен зур көч салды ул.
Яше олы булуга карамастан, эшләде, йөгерде, тапты, булдырды... Сәгатьләре санаулы гына калуын сизенгәндәй, күбрәк эшләп калырга тырышты. Авыл халкына, яшьләргә дин белеме бирүгә дә аның өлеше санап бетергесез. "Мин балаларны яратам!" - ди иде ул, "Күрдем чишмәләре" бәйгесендә балаларга бүләкләр әзерли иде. Кыскасы, Мәгъдән абый башкарган эшләр барыбызга да үрнәк иде!
Мин аның энергиясенә сокланып бетә алмый идем! 93 яше туларга торган кеше шулкадәр җитез хәрәкәтле, чыдам булсын әле! Узган елда СВОда улын - Зөфәр абыйны югалту кайгысын эчтән ничек кенә авыр кичерсә дә, тыштан күрсәтмәскә тырышты. Сабырлыгы да шулкадәр күркәм иде. Әйтер сүзен әйтә, фикерләрен ишеттерә белде.
Торып-торып сагынырбыз инде сине, Мәгъдән абый!
...Элек сине Әнгам абыйга охшатып, аның белән чагыштырып, синнән аның чалымнарын эзли идек. Ә хәзер уйлыйм: син үзең олы шәхес, үзең бер легенда булгансың! Хуш, аксакалыбыз! Урының җәннәт түрләрендә булсын!
...Сине озатканда табигать та елады кебек: Күрдемеңдә буран күтәрелде, дөнья ап-ак булды. Син үлмәдең, ак күңелле аксакалыбыз шул бураннар арасына кереп кенә китте кебек...
Гөлнара Гыйлемханова, Тәтешле, Күрдем.
Читайте нас: